GIDAYEG ug gihangop ni Cebu City Councilor Joel Garganera ang pag-regulate sa e-scooters nga mosubay sa mga public road sa dakbayan ug lalawigan sa Sugbo.
Ang maong pamahayag gibuhian ni Garganera kinsa usa ka e-scooter owner nga maoy iyang gigamit isip service gikan sa balay paingon sa City Hall ug vice versa.
“If you talk about highways, mao mani gipasabot ni RD Caindec because he is looking after our safety and right now diha lang ta mo-react kon naa nay nadisgrasya which is I am also very thankful of our good regional director,” padayag ni Garganera.
Apan ang konsehal nihangyo ngadto sa Land Transportation Office (LTO) 7 nga sa pagkakaron nga anaa pa ang pandemia, tugotan lang una ang mga e-scooter owners nga makagamit gumikan usab sa kalisod sa pagsakay sa public transport.
“I am appealing to a good director that this time in pandemic and people have difficulty in riding the public transport, the scooter helps a lot. We are just appealing for a leniency and I sumbit that highways are not suitable for scooter.” Dugang sa konsehal kinsa maoy chairman sa Committee on Transportation.
Gitug-an ni Garganera kinsa dunay grupo nga Sugbo E-scooteros nga andam mosunod sa lagda sa LTO. (PAC)