6 ka LGUs benepisaryo sa Frontrow E-skwela Hub

UNOM ka mga local government unit (LGU)sa lalawigan sa Sugbo ang benepisyaryo sa Frontrow E-skwela Hub nga gipasiugdahan sa Ang Probinsyano Partylist (APPL).

Wa makapugong ang pandemia dala sa Covid-19 sa proyekto ni Kongresista Ronnie Ong sa APPL aron matabangan ang mga tinun-an sa dakbayan sa Danao, lungsod sa Tuburan ug upat ka LGU sa Camotes island nga gilangkuban sa Tudela, Poro, San Francisco ug Pilar.

Gitagaan ni Ong uban sa suporta sa iyang kaabag nga Frontrow Philippines og tag 5 ka computer sets ug 2 ka printers ang Danao ug Tuburan samtang tag 4 ka computer sets ug 2 ka printers para sa 4 ka LGU sa Camotes.

Ang mga LGU nga benepisyaryo sa programa ni Ong adunay inisyal nga suplay sa bondpaper, ink, alcohol with foot press, air purifier, wifi dongle adoptor.

“The teachers and students who do not have access to the basic essentials of the new blended learning when school resumes in October need not worry. E-learning centers are being prepared in cities and provinces of the country where there are computers with installed software necessary for online classes, strong wi-fi connection and printers. These can be used for free,” matod ni Ong.

Ang kongresista sa Ang Probinsyano Partylist nahimo na usab sa samang proyekto didto sa Baguio, Manila ug Pasig.

Laraw ni Ong nha mobutang usa og samang pasilidad didto sa Cagayan, Pampanga, Batangas, Bohol, Surigao ug General Santos City.

Ang Frontrow E-skwela Hub ni Ong magsilbi nga preparasyon sa klase sa Department of Education karong Oktubre 5 sunod buwan.

Gitugyan sa Representative sa Ang Probinsyano ang pagdumala sa maong pasilidad sa mga opisyal sa LGU. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph