SUPERBALITA CEBU

P3.5M balor sa pulbora, kagamitan alang sa paghimo og bomba, sakmit

SAN ANTONIO, Northern Samar - Minilyon nga kantidad sa mga gamit paghimo og bomba ang nasakmit sa kapulisan sa Barangay Burabod, San Antonio, Northern Samar.

Matod sa Police Regional Office (PRO) 8, ang pagka rekober sa naasoyng mga gamit resulta sa nadawat nga intelligence report ug follow up investigation human sa nahitabong pagbuto sa lungsod niadtong Septiyembre 17, 2020.

Sa pagkadawat sa maong impormasyon, mihimo dayun og plano ang kapulisan sa Northern Samar Police Provincial Office (NSPPO) pinangulohan ni Police Colonel Arnel Apud uban sa nagkalain laing unit sa kapulisan ug Philippine Coast Guard.

Gisulod sa mga operatiba ang barangay og didto nasakmit ang mga gamit sama sa 34 kilos nga Tri-Nitro Toluene (TNT), 25,000 ka blasting caps ug 3.5 metros nga detonating cord.

Ang tanan dunay kantidad nga mo abot sa P3.5 milyones.

Ang maong mga materyales gidala sa kustodiya sa San Antonio Police Station alang sa dokumentasyon ug gi-turn over sa Northern Samar Provincial Explosive Ordnance and Canine Unit (NSPECU).

“The recovered items are the primary components in making improvised dynamite allegedly used in illegal fishing” matod ni Apud

Matod ni Apud, mo himo pa usab sila og lawom nga imbestigasyon sa insidente ug ilhon nila kung kinsa ang nanag-iya sa maong mga materyales.

“What is more sugnificant is the fact that we were able to seize P3.5 million worth explosives that could be possibly used in destructing our marine ecosystem and worst human lives. Our investigation will continue and we ensure that those found liable will face appropriate charges,” dugang ni Apud

Kini maoy labing unang higayon ning tuiga nga nakasakmit og minilyon mga kantidad nga materyales sa paghimo og bomba ang kapulisan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph