SUPERBALITA CEBU

Simon miretiro tungod sa Covid

Simon

HUMAN sa 17 ka mga tuig nga pagduwa, nakahukom si PJ Simon nga panahon na aron moretiro sa Philippine Basketball Association (PBA).

Sa iyang Instagram post, ang usa sa mga pambato sa Magnolia Hotshots nipadayag sa iyang emosyunal nga mensahe sa iyang pagpanamilit sa labing unang professional nga liga sa Asya.

Si Simon, 40, nipasabot nga nakadesisyon nga moretiro gumikan sa kamatayon sa iyang amahan ug sa coronavirus pandemic.

“Hindi ko inakalang posible pala para sa isang payat at maliit na bata mula sa Makilala, North Cotabato na makarating sa PBA,” tweet ni Simon.

“Hindi ko rin inakala na pagkatapos hindi mapansin nung 2001 PBA Rookie Draft na posible pa pala mag-iwan ng sarili kong marka sa liga.”

Ang gitawag og “The Scoring Apostle” mapasalamaton sa tanang mga grasya nga iyang nadawat sa iyang pagkahimong basketbolista.

“Binigay ko yung 17 years ng buhay ko sa PBA, sa Magnolia Hotshots, at sa lahat ng fans but now it’s time to focus on my family. My wife is pregnant and gusto ko magkasama kami as we start a family,” dugang ni Simon, kinsa naminyo sa ni Binibining Pilipinas Supranational 2018 Jehza Huelar.

Usa lang si Simon sa pipila ka mga magduduwa nga usa ra ka team ang giserbisyuhan sa hataas nga panahon.

Sa iyang pagduwa sa Magnolia franchise (kanhi Purefoods), nakaangkon si Simon og walo ka mga kampiyunato lakip na niini ang talagsaong Grandslam title niadtong 2014.

“Umaasa ako na magkikita-kita tayo sa panahon na iretiro ang aking numero. This is PJ Simon, The SuperSub, Your Scoring Apostle, signing out,” panapos nga tweet ni Simon. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph