Casimero andam na nga modepensa sa iyang korona

ANDAM na si World Boxing Organization (WBO) bantamweight champion Filipino Johnriel Casimero alang sa umaabot niyang tahas.

Ang gitawag og “Quadro Alas” nakatakdang modepensa sa iyang titulo karong Septiyembre 27 (RP time) batok kang Ghanaian Duke Micah sa Connecticut, USA.

Niadto pang Pebrero, 2020, nag-training na si Casimero sa Amerika alang unta sa iyang gikaintapang unification bout batok sa wala’y pildeng world champion nga si Naoya “Monster” Inoue sa Japan.

Apan gumikan sa hulga sa coronavirus disease 2019 (Covid 19), ang away nila ni Casimero ug Inoue, nga gikatakda unta niadtong Abril, 2020, nakanselar.

Ang nagdumala kang Casimero nga mao ang MP Promotions nga gipanag-iya ni Filipino boxing legend Manny Pacquiao, naahat sa pagpangita og laing away alang sa lumad nga taga Ormoc City.

Si Sean Gibbons, presidente sa MP Promotions, nipili kang Micah, kinsa adunay dalaygong 24-0, 19 KOs nga rekord.

Alang kang Casimero (29-4, 20 KOs), ang paglupig kang Micah maoy taytayan aron mahan-ay og balik ang ilang away ni Inoue. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph