SUPERBALITA CEBU

14 anyos naghari sa Superblitz 3 online chess

GILUPIG sa batan-ong Fide Master (FM) nga si Alekhine Nouri ang chess players nga doble sa iyang edad aron dag-on ang titulo sa Alex Chua Superblitz 3 Online Tournament niadtong Septiyembre 20, 2020.

Ang 14-anyos nga chess wizard nakamugna og 14.0 puntos sa blitz tournament nga gisalmutan sa managlahing chess players sa tibuok nasod pinaagi sa lichess.org, nga usa ka free online chess-server.

Sayo nagsugod og duwa’g chess si Nouri nga lumad nga taga Escalante, Negros Occidental.

Sa edad nga 7-anyos, nibalhin iyang pamilya sa kaulohan diin nagduwa na karon si Nouri isip varsity chess player sa University of Sto. Tomas (UST).

Mikuha sa ikaduhang pwesto mao si John Morazo nga aduna usab 14.0 puntos.

Nagtabla unta si Nouri ug Morazo human sa regular nga duwa apan milabaw si Nouri sa tie-break points nga anaa sa 140 batok kang Morazo nga 130.5.

Si Sherwin Tiu mitapos sa ikatulo nga puwesto sa iyang 12.5 puntos samtang si Rouzbeh Rostami ug Grand Master (GM) Joey Antonio nabutang sa ikaupat ug ikalima nga pwesto nga adunay susamang 12.5 ug 12.0 puntos.

Ang misulod sa Top 12 ug nakadawat og premyo mao sila Bryll Arellano, FM Zander Severino, Jerome Villanueva, Arpan Das Jr., National Master Giovanni Mejia, Chester Neil Reyes ug Michael Joseph Pagaran.

Sa laing bahin, midominar si Michael Joseph Pagaran nga adunay 11.5 nga puntos sa JUNO325 Bullet Chess Tournament niadto gihapong Septiyembre 20, 2020.

Ang maong torneyo abli gihapon sa tanang chess players.

Nikuha sa ikaduhang dapit mao si John Morazo nga adunay 11 puntos nga gisundan nila Glicero Pardillo Jr. nga adunay 10 puntos, NM Jasper Rom ug Cyrus Francisco nga adunay susamang 9.0 puntos.

Misulod sa Top 10 mao sila Yves Christian Fiel, Antonio Cabibil, Jave Mareck Peteros, Michael Tinga ug Richard Natividad.

Sa Prexy Jerry Maratas Blitz Tournament midaog si Dr. Leo Lofranco (8), gisundan nila Manilyn Cabungcag (6), Architect Fil Kapuno III (6), Jinky Catulay (5.5) ug Leo Cortez (5.5).

Niadtong Septiyembre 19, 2020, nahimong kampiyon si Fiona Guireme (7.5) sa Engr. Eladio Lim III Blitz Tournament ug si Rosendo Yamyamin maoy naghari sa Amado Olea Jr. Arena.

Ang lima ka mga torneyo, nga pulos giduwa sa lichess.org, gidumala sa Cebu Executives and Professionals Chess Association (Cepca) inabagan sa ilang partners ug sponsors. (RSC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph