ANG PLDT Inc. ug iyang mobile arm, Smart Communications, niseguro sa ilang subscribers nga magpadayon ang internet connectivity bisan sa gitakdang emergency maintenance sa usa sa mga submarine cable systems Asia-America Gateway gikan sa alas 5 sa Sabado sa buntag, Septiyembre 26 ngadto sa alas 5 sa buntag sa Septiyembre 30, 2020.
Sa usa ka advisory sa Huwebes, Septiyembre 24, matod sa PLDT nga nakakita sila og alternatibong cable systems aron di maputol ang ilang connectivity.
Mosagop usab silag mga pamaagi sama sa traffic rerouting ug local caching, naneguro nga ang kanunay gi-download nga content naa sa Pilipinas.
“Students can still do their online studies and exams, and users in homes and businesses can go about their normal internet-based activities during this time,” matod sa kompaniya.
Kini nga mga lakang nagseguro nga ang PLDT ug Smart padayong makahatag sa kinatibuk-ang serbisyo nga kompleto sa kapasidad.
Matod sa PLDT nga nibubo sila og dako sa pagpalapad ug pagpakusog sa ilang kapasidad karon ug sa bag-ong international submarine cable:Jupiter Cable and Asia Direct Cable Systems aron paghatag og redundancy sa pagseguro nga ang serbisyo magpadayon sama sa sitwasyon nga ingon niani.
Sa laing kalambuan, ang Globe nipahibawo ilang labing dakong upgrade sa network, 10 ka tuig human nila gi-introduce ang data sa ilang tibuok nasod nga network transformation program.
Sa ilang pamahayag, ang Globe niingon nga duna silay three-pronged strategy alang sa pagpalambo sa ilang voice ug data experience sa ilang mga customer.
Ang una mao ang pagpaspas sa pagtukod og cell site aron pagpalapad sa coverage ug pagdugang sa ilang kapasidad sa data. Naglaum ang Globe nga ila kining makab-ot tungod sa hugot nga suporta sa Anti-Red Tape Authority.
Ila usab nga gi-upgrade ang tanang sites aron duna nay 4G/LTE nga naggamit og nagkadaiyang frequencies nga importante alang sa coverage ug kakusgon.
Kon duna nay 4G sa tanang dapit, ang tibuok nasod data-ready ug makatubag na sa nagkadakong panginahanglan sa mga customer sa bandwith ug mas kusog nga speeds.
Ang ikatulo mao ang pagpadali sa “fiberization” sa tanang mga balay sa mga Pinoy.
“As Filipinos spend more time at home because of the lockdowns, Globe hopes to address the growing demand for home broadband with a much larger fiber footprint, using only the most advanced technologies,” matod sa Globe. (WBS uban sa mga PR)