SUPERBALITA CEBU

Bike lanes sa Cebu City gitrabaho na

■ BIKE LANE: Gisugdan na pagtrabaho kining bike lane sa may V. Rama Avenue, Dakbayan sa Sugbo. Sinugdanan pa lang kini sa bike lanes mga ipamutang sa kadalanan sa dakbayan. (Amper Campaña)

NAGSUGOD na og pamintal ang taga Cebu City Transportation Office (CCTO) sa kadalanan sa dakbayan sa Sugbo alang sa bike lanes.

Si Cebu City Attorney Rey Gealon, spokesperson ni Mayor Edgardo Labella, niingon nga ang bike lanes motuyok sa tibuok karsada sa dakbayan.

“Gituyo nga di lang taphaw apan gihimo ni nga scientific, systematic, accessible nga bike lanes nga mo-encompass gyud o molukop gyud sa tibuok dakbayan sa Cebu,” segun ni Gealon.

Sa mga niagi nga press conference, ang Cebu City Planning and Development Office (CCPDO) niingon nga adunay lima ka phases sa pagbutang sa bike lane. Ang unang phase ang unang kompletuhon nga anaa sa center phase.

Sa first phase, ang bike lane muagi sa Barangay Labangon, Sitio Banawa sa Barangay Guadalupe, Fuente Osmeña Circle, Gen. Maxilom Ave., Cebu Business Park, Barangay Mabolo, New Imus Road, M.J. Cuenco Ave. ug Barangay Sto. Niño.

Gikan sa center phase, mo-branch out ang bike lane sa ubang direksyon—Barangay Lahug (second phase), Barangay Talamban (third phase) ug N. Bacalso Ave. (fourth phase).

Ang labing uwahi nga ibutang kay ang last phase nga padung sa South Road Properties (SRP). (JJL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph