SUPERBALITA CEBU

Mga merkado sa Talisay bukas na sa Dominggo; Q pass gikinahanglan

File Photo

BUKAS na ang mga publikong merkado, grocery stores ug supermarkets sa Dakbayan sa Talisay ma Dominggo sugod karong Septiyembre 27, 2020.

Mao kini ang nalatid sa Executive Order No. 31 ni Talisay City Mayor Gerald Anthony “Samsam” Gullas Jr. sa Septiyembre 24, 2020.

Ubos sa iyang kanhi EO 28, gimando ni Gullas ang pagsira sa tanang mga establisemento, apil na ang mga merkado publiko, matag Dominggo.

Apan matod ni Gullas sa iyang bag-ong EO, nga human sa konsultasyon tali sa Task Force Covid-19, vendors ug mga kustomer, nahukman nga buksan ang tanang merkado publlko, grocery stores ug supermarkets ug uban pang mga establisemento nga gitugot ubos sa modified general community quarantine (MGCQ).

“The minimum health protocol must be observed at all times. Wearing of face masks, face shields, and strict observance of social distancing, a no quarantine pass- no entry policy will be strictly implemented,” matod sa EO ni Gullas.

Kay di na man mapahigayon ang Halad-Inasal festival tungod sa mga health protocol, iya usab nga gitugot ang pagbutang og stalls sa mga inasal sa tibuok adlaw sa Talisay.

Ang Dakbayan sa Talisay magsaulog sa iyang tinuig nga pangilin sa Oktubre 10, 2020.

Ang Dakbayan ubos sa MGCQ hangtod sa Septiyembre 30, 2020.

Ang Talisay usa sa tulo ka mga dapit Lalawigan sa Sugbo nga wa maapil sa pag MGCQ sa Lalawigan tungod sa taas nga mga kaso sa coronavirus disease (Covid-19). (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph