NAA sa ika-48 nga dapit sa Top 50 Sexiest Famale Athletes of All-Time sa www.lineups.com mao si Zsuzsanna Jakoabos, kinsa usa ka bantugang swimmer sa Hungary.
Natawo niadtong Abril 3, 1989, si Jakoabos mirepresenetar sa iyang nasod sa Olympics niadtong 2004, 2008, 2012 ug 2016 sa pito ka events.
Ang labing taas niyang naabot mao ang 6th place finish sa 4×200m freestyle relay niadtong 2008 ug 2016.
Niadtong 2019, si Jakoabos nahimong miyembro sa 2019 International Swimming League isip representante sa Team Iron.
Si Jakoabos napiling Swimmer of the Year awardee sa Hungary niadtong 2005.
Naminyo si Jakoabos sa iyahang swimming coach nga si Iván Petrov. (ESL)