Dear Noy Kulas,
Good day to you! Ako si Jay, taga Cebu City, usa ka medical practitioner but hilig og gym.
Kining akong pagkahilig mao sab ni ang nakaingon sa akong problema kay daghan ang na meet nga mga babaye. Usa ani ang classmate sa akong asawa, iyang first cousin ug classmate. In short, tulo ka mga babaye ang akong nakarelasyon nga wa makahibawo ang akong asawa kay maayo ko modala og schedule.
Pero naa diay di maayo nga resulta basta magpalabi. Ang 1st cousin sa akong asawa nitug-an sa among relasyon sa iyang parents mao nga pwerte na namong gubota. Maora na og makigpatay nako ang iyang pamilya while ang akong asawa nilaban nako. Gusto na unta kong undangon namo ang among relasyon kay maora ko og matuok bisan sa quarantine. Siya ang magselos sa akong asawa.
Lain nakong problema ang akong classmate nga toa na sa Mindanao nag-inform nako nga manganakay siya sa among anak. Minyo siya pero nakahibawo siya nga ako kuno ang amahan sa iyang gimabdos. Ako kuno ang ibutang nga amahan sa iyang pagpanganak, but di siya manghilabot nako ug sa akong pamilya.
Naglibog na ko unsa ang akong buhaton, Noy Kulas. Maghikog na ba lang kaha ko?
JAY
Jay,
Mao na ang gisangkoan sa imong pagpalabi og maayo sa imong kadukirok sa babaye. Nakakita ka na og babaye nga kanang way huna-huna, iya rang kaugalingon basta kay matuman ang iyang gusto. Bahala na og magkagubot. But atubanga ang mga kasuko sa pamilya sa imong asawa.
Way duyanon sa tawo nga sama nimo. Kay kon sa uban pa na, di ka na maugmaan tingali, Maayo gani nakaasawa ka og buotan.
Ayaw pagsugot nga ikaw ang ibutang nga amahan sa bata kon gusto kang maglikay sa ebidensya nga mas bug-at kay siya mismo, nakahibawo sa risgo. Naghimo mog ebidensya alang ninyong duha. Ingna lang nga mosuporta ka sa bata bisan di full kay naa man ang iyang bana. Ipa DNA una ang bata aron maseguro kinsa ang tinud-anay nga amahan. Ayaw pagdiretso og tangdo aron di mamugna ang laing problema. Kon ikaw ang amahan suma sa DNA test, anha ka na mosugot. But mas maayong atubangon mog una ang suporta bisan wa pa ang ebidensya.
NOY KULAS