SUPERBALITA CEBU

Albor: Sayong kagawasan sa binilanggo

Sandiganan

Alang sa paglaom, kahayag ug kahigayonan pagbag-o sa kinabuhi. Kalingkawasan sa ngiob nga prisohan kon magbinuotan. Good Conduct Time Allowance (GCTA) Law (RA 10592) gipanday nila Reps. Rufus Rodriguez, Juan Edgardo Angara, Giorgidi Aggabao ug Sens. Manny Villar, Francis Tolentino, Meriam Defensor Santiago. Probisyon ang Special Time Allowance for Loyalty (STAL).

Makunhoran ang silot basi sa maayong pamatasan, dili moeskapo panahon sa katalagman ug moasikaso sa tabanganan. DOJ Sec. Leila de Lima ug DILG Sec. Mar Roxas maoy mihulma sa implementing rules and regulations nga gipirmahan ni Pres. Noynoy Aquino sa Mayo 29, 2013.

Makatugot sa release order ang direktor heneral sa Bureau of Corrections (Bucor) nga ipananghid sa Dept. of Justice (DOJ). Sa GCTA dili maaplay sa heinous crimes o linuog nga krimen nga nakonbikto sa reclusion perpetua o pagkabilanggo sa tibuok kinabuhi. Heinous crimes ang treason, mutiny, qualified piracy, qualified bribery, parricide, murder, infanticide, rape, serious illegal detention, robbery with violence, destructive arson, plunder, possession of dangerous drugs ug carnapping.

Angay sa silot sa kamatayon apan gilibkas ang Death Penalty (RA 7659) sa Hulyo 24, 2006 gisapawan sa RA 9346 gumikan sa nag-asod nga lantugi sa kabililhon sa kinabuhi.

Gisugdan sa pagpatuman ang GCTA sa 2014 diin miabot og 1,914 ang nakagawas sa bilanggoan. Nabaniog ang GCTA ug hospital pass for sale.

Si Yolanda Camilon mitumbok nila Mabel Bansil ug Ramoncito Roque nga nangayog P50,000 aron sayong makagawas iyang bana. Naminte si Pres. Rodrigo Duterte iyang gipapahawa si Bucor Dir. Gen. Nicanor Faeldon nunot sa mando nga motahan ang 1,914 ka piniriso nga gipagawas.

Mitahan sila Ariel Balansag, Alberto Caño, Jesus Negro Jr., Conrado Cortes, Danilo dela Victoria, Alejandro Arquillano, Virgilio Batulan, Ireneo Busano, Nimbrod Purog, Nemesio Bacalso, uban pa. Sa inbestigasyon sa senado gisagpa og contempt ang tulo ka opisyal sa Bucor nga klarong namakak sila Frederick Anthony Santos, Ramoncito Roque ug Orcesio Sinas.

Gisuspenso sa Ombudsman ang 30 ka mga opisyal sa Bucor. Peb. 2020 gipatay si Santos. Kadtong paglikidar ni Ruperto Traya dunay koneksyon sa pagpagawas sa mga konbiktado ubos sa GCTA.

Sept. 2020 gikwestyon ang sayong pagkagawasnon ubos sa GCTA ni US marine Joseph Scott Pemberton nga mipatay sa transgender Jennifer Laude sa 2014. Duterte mihatag og absolute pardon human mabilanggo sa kasong homicide apan nagbinuotan. Ikaupat nga langyaw si Pemberton ug 35 ka mga Pilipino ang nabulahan sa GCTA sukad paglingkod ni Duterte. Si Pemberton nga nakauli na sa US giubos sa court marshall.

(csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph