SUPERBALITA CEBU

Binghay: Mas pillion ang Pinay

KUKABILDO

Daghan ko og na amigong mga langyaw nga nangaminyo og mga Pinay maong akong gitagsatagsa pagpangutana nganong Pinay man ilang gipangpili nga daghan man untang mga hitsuraang crazy rich Asians o mismong sama nila nga mga puti ug itom nga langyaw.

Dako og tingog ang usa nga mitubag og ingon nga ang Pinay dunay kina-iya susama sa mga amerikana panahon sa 1950s.

Unsa ma ni?

Nailhan ang mga Pinay nga family oriented. Kanunay nagtan-aw kini sa kada membro sa banay gikan sa ginikanan, igsoon, bana, mga anak og uban pang kaparentihan. Atimado og pangunayan ini ang tanan gikan sa pag-andam og pagkaon, panghinlo sa balay, pagmatuto sa mga bata, og pag-amuma sa mga katiguwangan.

Ang usa sab ka langyaw niingon nga ang mga Pinay tam-is og pahiyom ug kanunay malipayon bisan pa man og nagkalisod sa kahimtang o sitwasyon. Positibo ang panlantaw sa kinabuhi ug kina-iya ini maong kung dunay mabagatang isyu, dali ra kini makapangita og paagi o solusyon.

Ang usa ka kano mi sumpay og ingon ‘ayaw pagdali-dali og pangita og asawa. Hatagi ang kaugalingon og panahon nga maila-ila og insakto ang Pinay nga pangasaw-unon aron di ka pangwartahan’.

Ang uban nga nangaminyo na, basi sa ilang kasinatian, mipuno pag-ingon nga kung mangita og Pinay nga pangasaw-unon, pangita adtong independente nga wa magsalig ni bisan kinsa. Pasabot, pillion tong dunay trabaho kay kini di mag-apas nga siya buhion og magpa-senyorita. Kini sab sila kahibalo motigom ug mo budget kay anad naman sa trabaho og nakasabot sa balor sa sapi.

Palayo niadtong mga ‘bilmoko girls’ kay ang tan-aw kuno nila sa mga langyaw mga ‘human ATM machines’ nga magsegi ra og luwa og kwarta para mapalit ilang kapritso.

Ang usa sab mi-ingon nga pangita og kapares nga parehas nimo og interest ug level of commitment. Kung ikaw nangita og pangasaw-unon, pangitaa sab tong nangita og banhunon. Ayaw ng way buot kay seguradong magsegi ra na og laag, duwa,shopping sama sa batang gamay nga dad-unon kaayo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph