Malampuson taliwala sa daghang kalahian.
Sa unang higayon, virtual o online ang pagpanumpa sa nangapili nga bag-ong mga opisyal sa Cebu Federation of Beat Journalist (CFBJ) alang sa tuig 2020-2021 kagahapon, Septiyembre 25, maoy highlight sa kasaulogan ug pormal nga nagtapos sa Cebu Press Freedom Week 2020.
Congratulations sa mga opisyal nga gipangulohan ni Arnold Bustamante (dyHP), presidente; Herty Lopez (Superbalita Cebu), bise presidente; Le Antojado (dyLA), kalihim; Calvin Cordova (Manila Bulletin), mamahandi; Ryan Pios Mark Borinaga (Banat News), auditor; Gabriel Bonjoc (dySS), Sergeant at Arms: Ehda Dagooc (The Freeman), PIO for Print; Fe Marie Dumaboc (GMA-7), PIO for TV; ug Lloyd Suerez (dySS), PIO for Radio.
Dili tiaw ang tahas sa bag-ong mga opisyal taliwala sa dakong kabag-ohan sa media. Ang social o online media nakapausab sa estilo ug dagan sa komunikasyon.
Paspas ug mas dali ang reaksiyon. Libre sa tanan busa risgo sa fake news, cyber bullying, cyber liber ug uban pa.
Mas gikinahalgan nga ang lehitimong media maghiusa aron mobarog matuod ug patas nga kasayoran.
Apan naghatag og komplikasyon sa pagkakaron ang pandemiya sa Covid-19 nga limitado ang pisikal nga panagtagbo.
Mapagaan ang pagdumala ni Bustamante sa CFBJ pinaagi sa suporta sa tanang sakop sa media sa Sugbo, sama sa atong pagtambong sa virtual forum sa Aboitiz Equity Ventures (AEV) kagahapon diin gisunod ang programa sa pagpanumpa sa mga opisyal sa CFBJ.
Daghang salamat, Aboitiz. Si Mitchelle Palaubsanon nipadayag sa iyang daghang nahimo isip kanhi lider sa CFBJ ug komitado sa paggiya sa kahugpongan nga dili mahulog sa mga mapahiluslanong elemento.
Samtang, nipadayag si Butamante sa reserbasyon tahas apan garbo ug nisaad sa paghatod sa CFBJ ngadto sa taas nga dignidad ug respito nga grupo sa media sa nasod.