ANG Department of the Interior and Local Government (DILG) sa Central Visayas (CV) nangita og dugang contact tracers labot sa gubat batok coronavirus 2019 (Covid-19).
Ang DILG nagkinahanglan og 600 ka medical bachelors degree o allied courses, Criminology para maoy tugyanan sa pagsusi sa mga tawo nga adunay close contact sa nagpositibo sa maong virus.
Si Atty. Ian Kenneth Lucero, officer in-charge sa City DILG 7, nagkanayon nga nagkinahanglan pa sila og kapin o kulang 300 ka mga aplikante kansang trabaho magsugod sa buwan s Oktubre hangtod sa Disyembre.
Matod ni Lucero nga wa na kinahanglana ang elligibility gikan sa Civil Service Commission kinsa adunay salary grade 9 kon P18,784 matag buwan ug wala na usab gikinahanglan ang trainings.
Ang gusto mo-apply kinahanglan nga kamao sa research ug documentation, kamao mo-interview labot sa Covid cases ug sa close contact para makakuha og igo nga kasayoran.
Ang gikinahanglan nga rekisito mao ang ang letter of intent, personal data sheet, drug test ug NBI clearance kinsa nag-edad og 21 hangtod 45 anyos.
Gikinahanglan usab nga i-submit ang photocopy sa diploma, transcript of records gikan sa eskwelahan diin sila ni-graduate.
Ang ilang aplikasyon mahimong ipadala sa dugang detalye.(PAC)