SUPERBALITA CEBU

2 ka ambulansya gi-clamp sa CCTO

Hulagway ni Benjie B. Talisic

BISAN mga sakyanan sa kagamhanan, alang pa gyud sa pang emerhensya, wa pasayloa sa mga personnel sa Cebu City Transportation Office (CCTO), ila kining gi-clamp sa Biyernes sa kaadlawon, Septiyembre 25, 2020 samtang gi-park ilawom sa flyover sa Barangay Mambaling, Dakbayan sa Sugbo.

Ang upat ka mga sakyanan, naglakip sa duha ka mga pick-up truck ug duha ka mga ambulansya.

Ang mga ambulansya gigamit sa Cebu City Disaster Risk Reduction and Management Office (CDRRMO) sa pagtubag og medical nga mga emerhensya.

Ang CCTO way puas sa pagpatrolya gikan sa tungang gabii matag adlaw aron pagsusi sa mga sakyanan nga gi-overnight parking daplin sa kadalanan sa Dakbayan sa Sugbo.

Gikan sa Septiyembre 1-25, ang CCTO naka-clamp na og 558 ka mga sakyanan kun 22 nga average matag gabii. Matag sakyanan nga ma-clamp momulta og P1,500 ang tag-iya, pribado man o gobiyerno.

Si Alma Barandog-Casimero, pangu sa traffic body sa Siyudad sa Sugbo, nipasabot nga bisan ang kagamhanan di exempted sa overnight parking kay kini kalapasan sa ordinansa sa Dakbayan.

Busa, iyang giawhag ang mga buhatan sa kagamhanan, labina ang mga barangay, nga mangita og luna diin mahimong i-park ang mga sakyanan.

Kalabot sa reklamo sa mga netizen nga bisan naa sa pribadong lote ang sakyanan giapil sa pag-clamp, si Casimero nipasabot nga gidili gihapon ang parking mga tres metros gikan sa ngilit sa public road.

Apan mahimo kinining madepensahan sa tag-iya pinaagi sa pagpakita og dokumento nga pribado ang lugar diin gi-park.

MOHANGYO

Ang pangu sa CDRRMO, Ramil Ayuman, nakurat human mahibawo sa pag clamp sa upat ka mga sakyanan sa iyang departamento. Apan tungod kay ang mga sakop sa CCTO nipatuman raman sa lagda sa trapiko, wala silay mahimo.

Matod ni Ayuman nga mobayad sila kon pila ang multa, apan iya usab hangyuon nga kon mahimo, sila makahangyo sa kinatibuk-ang bayronon.

“No one is above the law. Mosunod lang ta kon unsa man gani ang balaod sa CCTO kay nagpatuman raman pud sila,” dutyag ni Ayuman.

Iyang pangutan-on ang iyang mga personnel kon nganong naapil og clamp ang ilang upat mga sakyanan.

Si Ayuman mopadala usab og suwat hangyo Sa CCTO sa paghatag og konsiderasyon sa ilang buhatan sa pag park sa mga sakyanan tungod sa gamay ra kaayo ang ilang parking area.

Dugang ni Ayuman nga iya usab nga hatagan og kopya si Mayor Edgardo Lanella sa suwat hangyo nga iyang ipadangat niya kang Casimer.

“We will write a letter request for a consideration to the concerned office. Kay gamay raman gud ang atong parkingan ug unta nga mahatag og konsiderasyon,” dugang ni Ayuman.

Ang buhatan sa CDRRMO anaa mahimutang duol sa flyover sa Barangay Mambaling diin naa sab ang command radio base center sa Cebu City.

Wa mokomentaryo sa Ayuuman kon nakaapekto ba sa pagtubag og emergency ang pag clamp sa upat ka mga sakyanan iyang buhatan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph