KASAL ni Angel Locsin madayon o dili na? Mao kini ang daghang mga pangutana sa mga madlang pipol.
Dili gyud biyaan sa mga isyu ug intriga ang bida natong si Angel Locsin, bisan unsay iyang buhaton nuntan gyud kini siya og kontrobersya.
Bisan pa man og nakatabang kini, may mga charity works ug pagpanghatag og mga relief goods, duolan na ang aktres og isyu.
Karon na usab may mga hungihong nga dili madayon ang iyang kasal kay buwag na kuno ang Angel Locsin ug Neil Arce, unsa kaha kini katinuod?
Basta sa latest nga atong nasagap nga mauswag ang kasal nila imbes karong Nobyembre 2020 sa sunod tuig na kini mahitabo.
Tungod sa nahitabong krisis karon, ila unang paminawon kon unsay mahimong kahimtang nato taliwa ining pandemia nga atong nahisum-okan.
Sa usa ka interbyu nila nga atong nabasahan ang plano unta usa ka intimate wedding ang mahitabo ug gamay ra ang mahimong bisita apan matud pa sa papa sa umaabot nga bana ni Angel nga si Neil kinahanglan dako ug bonggang kasal ang mahitabo.
Usa ka selebrasyon nga dili mahimong makalimtan ni Angel ang ihatag ni Neil, labi na nga wa maka-experience ang aktress og prom, wala sab kini mag-debut, mao nga usa ka mapasigarbong party ang ihatag sa groom para sa iyang bride.
Naka-plano na ang tanan ug si Neil mismo ang hands on sa maong kasalan ug tando o balibad na lang ang buhaton ni Angel.
Humana ug hapsay na ang tanang detalye sa kasal apan tungod sa pandemia ang mahitabo planohon nila balik sa sinugdanan ang tanan.
Kinahanglan nga unahon nila nga maayo ang panglawas sa tanan ug mahilayo sa sakit, ang health ug safety ang priority nila.
Mao nga ang ending ma-postpone ang mahitabong kasal karong tuiga ug atong sugaton ang bagting sa kampana sunod tuig nilang Angel Locsin ug Neil Arce, best wishes ug kongratulations! Ay’g Saba!
* * *
Maja Salvador may hugon-hugon nga mobalhin sa laing network, gani nangayo siya og suporta sa iyang mga fans ug mapasalamaton usab kaayo sa ABS-CBN.
Sundan sab kaha niini ang tatay-tatayan niini sa showbiz Johnny Manahan nga adto na magtingkagol sa kapatid network o TV5.
Sa una na natong mga tsika daghang dugang programa ang singko diin ang mga bida mga Kapamilya stars.
Sitcom nga “Oh My Dad” nilang Dimples Romana, Ariel Ureta, Gloria Diaz ug Sue Ramirez sa direksyon ni Jeffrey Jeturian.
May romantic drama series sab silang RK Bagatsing, Yen Santos ug Beauty Gonzales nga “I Got You” may “Sunday Kada” sa direksyon ni Edgar Mortiz gani may “Rated Korina” pa si Korina Sanchez ug uban pang bagong programa.
Mao nga siguradong usa usab si Maja Salvador ang mahimo natong makita sa TV5 bongga ka Kapatid, Ay’g Saba!