SUPERBALITA CEBU

Nanuaw sa mga sam-ang gamay pa

GAMAY pa kaayo ang mga tawo nga nanuaw sa mga sam-ang sa Siyudad sa Sugbo.

Gihulagway sa kapulisan nga malinawon ug mingaw ang dagkong mga sementeryo sa dakbayan sa unang adlaw sa pagtugot na sa publiko nga maka duaw sa ilang mga minahal sa kinabuhi.

Matod ni Police Lieutenant Colonel Wilbert Parilla, deputy city director for operations sa Cebu City Police Office (CCPO) nga sukad sa buntag SeptIembre 26 hangtod sa alas 3 sa hapon, maihap lang ang ningduaw sa mga sam-ang.

Ang labing dako nga sementeryo sa Siyudad sa Sugbo nga mao ang Calamba nakatala lang og 10 ka mga tawo ang ningbisita aron sa pagpanagkot sa lubong sa ilang kabanay.

“So far, sa atong monitoring no, ang Calamba gani ganiha sa last report naa ra sa around 10 to 15 ka tawo ra,” matod ni Wilbert Parilla.

Nagtuo hinuon siya nga posibling modaghan ang mga tawo karong Dominggo Septiyembre 27 nga maoy ilang gipangandaman.

Matag usa gihatagan lang og tag usa ka oras nga maka estambay sa sulod ug dunay pulis lakip na mga sakop sa Task Force Kasaligan ang mobadlong sa mga tawo nga mag dugay sa sulod.

Abli ang mga sam-ang gikan sa alas 6 sa buntag hangtod sa alas 6 sa gabii, apan ang kapulisan 24 oras nga magbantay niini.

Nagbutang ang CCPO og mga personnel sa tanang pumblikong sementeryo sa siyudad apil na sa bukirang barangay gawas lang sa pribado nga mga sam-ang. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph