SUPERBALITA DAVAO

Lampara natumba; 42 balay ugdaw

DAVAO. Igo nalang sa pagsalbar sa mga mabaligya nga atop ang mga residente sa Purok 9, Southbay, Barangay Lapu-Lapu, Agdao District, Davao City human maugdaw ang 42 ka kabalayan sa dapit, Dominggo sa tungang gabii, Septiyembre 27, 2020. (Hulagway iya sa Serbisyong Libre/FB)

MIBUNGKAG sa kahinanok sa mga residente ang pag-ulbo sa dakong kalayo nga milamoy sa 42 ka mga balay sa Purok 9, Southbay, Barangay Lapu-Lapu, Agdao District, Davao City Dominggo, Septiyembre 27, 2020.

Alas 12:20 sa tungang gabii sa Dominggo nagsugod ang pag-ulbo sa kalayo sa usa sa mga balay sa dapit nga giingong dunay natumba nga lampara.

Sanglit gama sa mga light materials ang mga kabalayan sa dapit, daling miganit sa mga balay sa silingan ang kalayo.

Dali sab nga miresponde ang kabomberohan sa siyudad hinungdan nga dul-an sa oras lamang napalong ang kalayo.

Padayon pa nga nagsuta ang Davao City Fire District unsay matuod nga hinungdan sa kalayo ug pila ang kantidad sa nahimong danyos niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph