NAILOG sa militar ang usa ka Anti-Personnel Mine (APM) factory alas 2:30 sa hapon, Septyembre 26, sa gilusad nga focused military operation batok sa mga terorista sa Maguindanao.
Sumala kang 6th Infantry (Kampilan) Division Chief ug Joint Task Force Commander Major General Juvymax Uy nga nadiskubre sa mga sakop sa 1st Mechanized Infantry Battalion ang usa ka pabrika sa APM sa Sitio Talpok, Barangay Salman Ampatuan, Maguindanao samtang ilang gilutos ang mga Local Terrorist Group (LTGs).
Narekober sa mga sundalo ang usa ka 105mm UXO, usa ka 60mm UXO, 12- 57RR shells, 17- 57RR empty shells, 100 grams black powder, mga kagamitan sa paggama og APM lakip na ang usa ka notebook nga nahiunod ang detalye paunsa ang paghimo og bomba (APM).
“The Joint Task Force Central is in massive hunt for the terror groups particularly the Bangsamoro Islamic Freedom Fighters (BIFF) in Maguindanao and in the nearby provinces to prevent them from conducting atrocities and bombing attacks,” suma ni Uy.
Gikanayon ni Uy nga ang pagkadiskubre sa pabrika sa APM dakog tabang sa pakigbatok sa terorismo nga mapatunghay ang kalinaw sa Habagatan ug Sentral nga Mindanao.
Misaka na sa 13 ang patay sa BIFF og duha sa militar samtang daghanan sa gilusad nga focused military operation.
Sa kasamtangan gipalig-on pa sa Joint Task Force Central ang paglutos sa Dawlah Islamiyah Terrorist Group sa BIFF sa Maguindanao.