CARIGARA, Leyte - Patay ang usa ka lalake human tigbasa sa iyang kaugalingon nga igsuon.
Ang insidente nahitabo sa Barangay Lower Hiraan, Carigara, Leyte, alas 2:00 sa kaadlawon, Biyernes, Septiyembre 25, 2020.
Ang biktima mao si Jessie Bactol, 32, mag-uuma ug manghud sa suspek.
Ang suspek mao si Efren Bactol, 37, maguwang sa biktima.
Base sa imbestigasyon, nianang ala 1 sa kaadlawon, ang suspek kinsa hubog niadtong tungora, misulong sa panimalay sa iyang manghod.
Nagsiyagitsiyagit sa gawas sa balay hinungdan nga nigawas ang manghud.
Dunay nahitabo nga panaglalis sa duha ug gisuwayan sa pagbuwag sa ilang amahan.
Inay maminaw, nikuha hinuon og sundang ang suspek ug kalit gitigbas ang iyang manghud ug naigo sa wala nga bahin sa liog.
Dali nga nisibat sa crime scene ang suspek ug taudtaod lang, niadto kini sa police station kauban ang iyang amigo aron motahan.
Giangkon sa suspek ang krimen ug niingon nga personal nga kasungian hinungdang napatay niya ang igsuon.
Gikatakda nga pasakaan og kaso ang suspek.