MGA tinugyanan sa Department of Social Welfare and Development’s (DSWD) Kapit-Bisig Laban sa Kahirapan Comprehensive ug Integrated Delivery of Social Services (Kalahi-CIDSS) ningbisita sa lungsod sa Dalaguete, Cebu niadtong Septiyembre 3, 2020.
Ang Kalahi-CIDSS ug ang Municipality of Dalaguete nahimong kauban sulod sa upat ka tuig sa pagpatuman sa Community-Driven Development (CDD) approach ug training sa iyang mga komunidad sa pagsagop sa prinsipyo sa programa nga participatory, in collective ug demand-driven process pinaagi sa localized decision-making atol sa social prioritization.
Si Rosalia Amahan, residente sa Barangay Jolomaynon ug kanhi community volunteer, emusyonal nga nipadayag sa pagpasalamat sa Kalahi-CIDSS alang sa sub-projects sa pagpatuman sa iyang barangay.
Gipaambit niya nga kaniadto lisod ang pagbiyahe sa ilang barangay tungod sa bation ug dangog nga dan apan karon nindot na kaayo.
Si Mayor Jeffrey Belciña nagkanayon nga ang Kalahi-CIDSS nakahatag na og P79.8 milyunes nga kantidad sa sub-projects ug capability building sulod sa upat ka tuig.
Dugang ni Belciña dihang ang Kalahi-CIDSS nagsugod sa Dalaguete, usa pa siya ka bise mayor ug iyang nakita sa kamaayo sa programa sa pagtabang sa kalamboan sa lungsod, sama sa pag-abli sa access roads sa mga bukirang barangay diin sagad atua ang daghang panginabuhian sa Dalagueteanons nahimotang.
Atol sa iyang termino isip mayor sa Dalaguete, siya nakahukom sa pagpadayon sa CDD approach sa pagpatuman sa mga proyekto sa lungsod.
Bahin niini, ang LGU nigahin og P10 milyunes budget alang sa CDD implementation sa tanang 33 ka barangays.
“Mapasalamaton ug malipayon kaayo ko sa tabang sa Kalahi-CIDSS maong niana ko nga ipadayon ang CDD approach labi na nga ako na ang mayor, kay gani katong panahon nga vice mayor pa ko, nipasar gani mi og ordinansa kalabot sa pagsuporta nga ma-institutionalize ang maong programa dinhi sa amoa katong panahon pa ni kanhi Mayor Ronnie Sesante,” matod ni Belciña. (PR)