SUPERBALITA CEBU

Collado: Lahugay sa CPPO gipatuman

■ NAGMAYMAY: Si PCol. Aladdin Collado, bag-ong director sa Cebu Police Provincial Office (CPPO), nagmaymay sa iyang pakig-atubang sa siyam ka drug personalities nga nadakpan sa mga sakop sa DEU atol sa ilang Oplan Limpyo Talisay. / SunStar File Foto

LAHUGAY sa mga hepe sa matag estasyon sa kapulisan sa Cebu Police Provincial Office (CPPO) gipatuman sa bag-ong hepe sa kapulisan sa probinsiya tungod sa pipila ka mga opisyal nga naghawid sa katungdanan mipailawom sa pagtungha isip kabahin sa ilang rekisitos sa posisyon.

Si Police Colonel Aladdin Collado, direktor sa CPPO, sa pakighinabi sa Superbalita Cebu, nagkanayon nga ang iyang gipatuman karon nga pag-ilis og mga bag-ong hepe sa kapulisan sa pipila ka mga lungsod tipik ug kabahin lang sa naandan nga pamaagi sa Philippine National Police (PNP).

“Actually walang ano pa, that is administrative movement lang sa PNP kasi marami tayong mga opisyal na nag-schooling sa ngayon. Ngayon bina-balance ko lang base doon sa geographical importance,” matod ni Collado.

Dugang ni Callado nga kini lauman gyud nga dunay lahugay sa han-ay sa kapulisan sa probinsiya tungod sa ila usab nga gisunod nga mandatu nga kinahanglan ang matag estasyon usa ka opisyal ang moduma niini.

Napaglantawan ni Collado nga dunay mga estasyon sa pulis sa pipila ka kalungsuran nga walay opisyal nga nangu sa usa ka estasyon nga kinahanglan mohaom sa klasipikasyon sa usa ka lungsod kon kinsa ang angayan nga mangatungdanan.

“May magga-graduate naman na mga bagong officers so, expect talaga na meron tayong movement nang mga personnel,” dason niya.

Nasayran nga dul-an sa 20 ka mga opisyal ang nagtungha hinungdan nga dunay mga bakante nga posisyon sa CPPO nga kinahanglan butangan og mangatungdanan niini.

Pipila sa mga lungsod nga bag-o na og pangu sa kapulisan gilangkuban sa mga lungsod sa Minglanilla, Barili, Catmon, Cordova ug Medellin lakip usab ang mga dakbayan sa Toledo ug Carcar.

“Kulang din ako nang opisyal kaya kailangan ko rin nang staff. So, meron akong nakita na meron ding mga officers na matagal na sa estasyon. So, kailangan mai-promote din sila. So, binigyan ko na rin nang privileged yong ating mga officers na ma-promote naman,” dugang niini.

Ang usa ka opisyal kinahanglan nga mohawid una og usa ka katungdanan isip kabahin sa iyang promosyon nga haum sa iyang ranggo nga gikinahanglan.

Direktiba ni Collado ngadto na sa mga bag-ong hepe sa kalungsuran nga ipadayon ang naandan nga gimbuhaton nga maoy nag-una nga katuyuan sa han-ay sa PNP ilabi na ang pagsumpo sa drugas ug ilegal nga sugal.

Gilauman usab ni Callado nga sa iyang bag-ong gipangbutang nga mga opisyal sa mga lungsod, mamintinar ang pagkunhod sa krimen.

Wala usab gikalimtan ni Collado ang dugang gipas-an nila nga trabaho mao ang estrikto nga pagpatuman sa health protocol nunot sa hulga sa coronavirus disease 2019 (Covid)-19 ug nagpadayon ang ilang gubat batok sa gidiling druga.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph