SUPERBALITA CEBU

Barrita: Menteryo no entry sa seniors, minors

239020

Tikdul-Tikdol

GIDID-AN ni Cebu City Mayor Edgardo Labella ang senior citizens nga 60 anyos ang edad ug pataas ug ang mga batan-on nga nagpangedaron og 21 anyos ug paubos sa pagduaw sa mga menteryo, memorial parks ug columbaries sa siyudad. Gidid-an usab sa mayor sa pagbisita sa mga menteryo kadtong mga babaye nga nagsabak ug kadtong mga tawo nga dunay comorbidities, sa ato pa, nag-antos sa labing menos duha ka balatian.

Ang maong mga lugar giila sa mga eksperto nga superspreader sa Covid-19 kay adto magtampunsisok ang mga tawo.

Sagdi lang, basta buhi pa ta, makabisita ra gihapon kita puhon paabuton sa atong mga minahal nga nitaliwan na.

Ang Inter-Agency Task Force (IATF) for the Management of Emerging Infectious Diseases nimando sa pagsira sa tanang mga sementeryo, memorial parks ug columbariums sa tibuok nasod gikan sa Oktubre 29 hangtod sa Nobiyembre 4.

Apan sa siyudad sa Sugbo, gitugotan ni Labella ang publiko sa pagbisita sa mga publiko ug pribadong menteryo sugod sa Septiyembre 26 hangtod sa Oktubre 28 ug gikan sa Nobiyembre 5 hangtod sa 15 gikan sa alas 6 sa buntag hangtod sa alas 6 sa hapon.

Ang makalibog ug way klaro ang pasudlon sa mga menteryo 30 porsiyento ra sa ilang capacity. Unsa may basihan? Ang land area o gidaghanon sa nalubong na? Kasagaran ra ba sa mga menteryo publiko, nagdasok ang mga netso.

Ang tumong sa maong mando mao ang social distancing sulod sa mga menteryo. Apan kon mobisita ka sa atong mga menteryo publiko, nagsikit-sikit ang mga lubong, nagpatong-patong ang mga netso.

Unsaon man paglinagyoay sa moduaw sa menteryo kon ang ilang giduaw nga nitaliwan na sa laing kinabuhi nagsikit-sikit? Adto man gyud ka sa duol sa lubong modagkot og kandila unya molitok og pipila ka mga pulong sa pag-ampo alang sa kalag sa namatay.

Sa wa pa ning Covid-19, dihay kalag-kalag nga ang nibisita sa gilumot nang nitso morag nagminatay og hilak kon paminawon nimo sa layo. Sa dihang akong gipadul-an, naklaro nako nga nagkanta diay og “Happy birthday to you.”


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph