GIPASAKA na kagahapon ang kasong paglapas sa Presidential Decree 1602, kun ang Anti-Gambling Law, batok sa 15 ka mga sabungero nga nasikop sa Toril Police Station didto sa Sodaco, Barangay Lizada, Toril District, Davao City.
Sumala ni Toril police station commander Police Major Michael Uyanguren nga ila nang gipasaka ang kaso batok sa 15 ka sabungero.
Una niini, alas 11:30 sa buntag, Dominggo, Septyembre 27, naaktuhan ang kinse ka lalaki nga perteng sadyaa sa ilang pagpasabong og manok.
Nakumpiska gikan sa posisyon sa mga dinakpan ang tulo ka mga manok, usa ka bulang ug pusta nga P1,460. (Jeepy P. Compio)