SUPERBALITA CEBU

Tambagi ko Noy Kulas: Mangamahan

Dear Noy Kulas,

Tawga lang ko sa alyas nga Henry, 26 years but wa makasuway og uyab-uyab bisan ka usa ka torpehon. Naa koy stable nga trabaho ug nakapalit na gani ko og maayo nga scooter nga ikapanghambog. Di pud ko bati og nawong pero mokurog ko mosulti sa babaye.

Usa nako ka kauban sa work na close friend nako. Daghan na mi og escapades sa bisan asa nga lugar basta kay close kaayo mi. Wa siya kahibawo nga naka like ko niya ug malipay kaayo ko basta magkuyog mi ug moparayeg siya nako. Nakahibawo ko nga di na siya virgin ug duna siyay boyfriend nga maoy nakauna niya karon.

Nagkaproblema siya kay pregy siya karon unya ang iyang uyab wa na magpakita kay minyo diay. Pero para nako, andam ko mangamahan sa bata kon mosugot siya kay love na nako siya. Unsaon kaha nako siya pagsulti? Di ba lain nga ma consider kong opportunist kay naa siya karon sa kalisod ug problema? Pero at the same time, igo ra man ko moluwas niya kay naa koy klarong feeling. Unsay imong tan-aw, Noy Kulas?

HENRY

Henry,


Okay ra man kon mosulti ka sa imong pagbati ngadto niya kay wa man kay kabilinggan sa kinabuhi. Kon negative nga side ang imong tan-awon, natural, mahimo kang opportunist. But sa positive nga side, igo ka lang nagpadayag sa imong tinud-anay nga pagbati nga mao ang gugma ug nga kaning imong pagabuhaton maoy pagpakita sa imong tinud-anay nga gugma. Kinsa ba gud nga lalake ang gustong mangamahan sa bata nga di iyaha? Kana nga lalake nagpakita sa tinud-anay nga gugma. Mao na ang imong gipakita.

Wa ta kahibawo basin siya dunay gitagoang pagbati nimo mao nga ganahan sab siyang makigkuyog kanimo bisan asa. Posible lang na, not necessarily nga mao gyud. Basin pa, mosugot siya nga ikaw ang mangamahan, moangkon nga maoy papa sa bata kon matawo na.Ikaw ang mopirma aron mamahimong legal father. But sa di pa nimo ni himuon ang tanan, klaroha una kon duna ba siyay feeling alang nimo kay basin baya, mas dako ang problema sa umaabot kon kamong duha mosulod sa relasyon nga one sided. Unya naa ra bay patilyahon og utok nga mga lalake, makigbalik unyag dako nang bata. Naa say mga babaye nga weak at heart, sugot ra sab bisan gi-dump na sa iresponsableng lalake. Paneguro lang.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph