SUPERBALITA CEBU

Conor yanuhon rani Pacquiao: Roach

HUGOT ang pagtuo ni Hall of Fame boxing trainer Freddie Roach nga makatilaw og saktong kulata si mixed marial arts (MMA) superstar Irish Conor McGregor batok kang Filipino boxing icon Manny Pacquiao kon madayon ang ilang away.

Mao kini ang reaksyon ni Roach human gipabuhagay ni McGregor sa social media sa miaging semana nga mag-away sila ni Pacquiao sa sunod tuig sa Middle East nga gikompirmar sab sa kampo sa Pambansang Kamao ng Pilipinas.

Niadtong 2017, nasubhan si McGregor sa boksing diin nasugamak siya sa 10th round TKO nga kapildihan batok ni American Floyd Mayweather Jr.

Batok kang Pacquiao, nagkanayon si Roach nga mas grabeng kastigo ang maangkon ni McGregor.

“If this is true, Manny Pacquiao will have an easier time with Conor Mcgregor than when he fought Ricky Hatton,” pamahayag ni Roach nga napatik sa boxingscene.com.

Yanong gipatikangkang ni Pacquiao si Hatton sulod lang sa duha ka rounds niadtong 2009.

Si Pacquiao, kinsa maoy bugtong 8-division world champion sa kalibutan, katapusang niaway niadtong Hulyo, 2019 diin midaog siya batok ni American Keith Thurman sa ilang World Boxing Association (WBA) welterweight title bout pinaagi sa split decision.

Sa iyang bahin, si McGregor miaway niadtong Enero, 2020 sa Ultimate Fighting Championship (UFC) apan pipila ka mga buwan human niini, iyang gianunsyo nga miretiro na siya sa MMA. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph