Mga armas gipangtahan sa CCPO

■ GITAHAN: Si Police Lieutenant Colonel Rene S. Kyamko, hepe sa City Mobile Force Company (CMFC), mipakita ngadto sa mga sakop sa media sa mga armas nga gitahan sa mga lumolupyo sa kabukiran sa Dakbayan sa Sugbo. / tampo sa CMFC
■ GITAHAN: Si Police Lieutenant Colonel Rene S. Kyamko, hepe sa City Mobile Force Company (CMFC), mipakita ngadto sa mga sakop sa media sa mga armas nga gitahan sa mga lumolupyo sa kabukiran sa Dakbayan sa Sugbo. / tampo sa CMFC

TAG-AS nga mga armas ang gipang-turnover sa buhatan sa kapulisan sa Dakbayan sa Sugbo gikan sa mga residente sa mga bukirang barangay sa siyudad.

Ang mga armas gi-turn over ngadto sa City Mobile Force Company (CMFC) sa Cebu City Police Office nga nakabasi sa Barangay Pung-ol, bukirang dapit sa dakbayan.

Si Police Lieutenant Colonel Rene S. Kyamko, hepe sa CMFC nga nahinabi sa Superbalita Cebu, nagkanayon nga sagad sa mga residente nga ning-turn over sa mga armas gikan sa Barangay, Guba, Sirao, ug Taptap.

Moabot ngadto sa 14 ka nagkadaiyang klase sa armas gilangkuban sa usa ka .30 caliber Carbine rifle, tulo ka improvised shot gun, airgun, unom ka .38 caliber revolver, usa ka kalibre .45 nga pistola, bala sa .38 caliber revolver ingon man shot gun.

Matod ni Kyamko, nga kining maong kalapusan kabahin sa ilang tulo ka adlaw nga preemptive security measures, pag-implementar sa Kabataan Kontra Droga At Terrorismo (KKDAT) Program ug “intensified law enforcement operation.”

Si Kyamko mapasalamaton sa lokal nga mga opisyal sa mga bukirang barangay, Sangguniang Kabataan (SK) ingon man sa mga personnel niya sa CMFC-CCPO tungod sa ilang abag pagpasabot sa katawhan nga di na sila magtiner og mga armas.

Gipadayag niya nga nasilsil sa alimpatakan sa katawhan sa bukid nga di maayong magtinel og armas.

Ang programa dako sab og ikatampo sa pakigbatok sa ubang illegal nga kalihukan, apil ang illegal nga drugas.

Subay niini, nakasikop sab sila og lima ka mga tawo nga dunay mga warrant of arrest sa kasong illegal drugas, armas, ilegal nga sugal ug slight physical injury.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph