Anti-rabies gibakuna sa 400 ka mga iro

SA ika 14 nga kasumaran sa World Rabies Day sa Lunes, Septiyembre 28, nitanyag usab og libreng bakuna ngadto sa mga iro ug iring ang Talisay City Veterinary Office.

Matod sa pangu sa City Veterinary Office, Dr.Therese Lorraine Alo, mao na kini ang ilang tinuig nga gibuhat atol sa kasaulogan. Dunay 400 ka mga bakuna ang giandam nila alang sa kahayopan nga libre.

Samtang buntag pa lang, gidagsa sa mga tawo nga ningdala sa ilang mga iro ug iring ang Barangay Poblacion.

Gipasabot ni Alo nga maayo nga mahatagan og bakuna ang mga iro ug iring aron mawagtang ang rabbies nga naa kanila.

“Daghan na gyud nga mga tawo ang nahimong responsable sa pagbuhi sa mga hayopan. Ang rabies makamatay kon dili kini tagdon,” matod ni Alo.

Samtang usa sa mga mipahimus sa bakuna alang sa iyang mga iro mao si Auring Pamor, kinsa niingon nga ang ilang gibuhat alang ra sab kanila ug sa mga tawo nga nagpalibot sa ilang binuhi.

Si Pamor adunay tulo ka mga iro nga gibuhi ug alang kaniya, dako nang tabang kanila nga dunay kahayopan ang matusokan og anti rabies.

Samtang si konsehal Meggie Donan-Hervas sa barangay Poblacion, sa iyang habig, niingon nga wa gi-limit ang serbisyo sa ilang barangay, kundi aduna say laing barangay ang nipahimulos. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph