ANG Philippine National Police (PNP) magbutang og booths sa tanang SM malls sa nasod aron mangisyu og national police clearance.
Si PNP Chief Camilo Cascolan sa Lunes, Septiyembre 28, 2020, niingon nga ilang gi-finalize ang arrangements tali sa SM mall management.
Ang unang police clearance booths mobukas mga duha ka buwan sa SM government service centers sa SM Mall of Asia, SM Bacoor aug SM Southmall.
Si Cascolan niingon nga kini gitumong aron pag-decongest sa PNP camps ug himuon kini nga frontline service nga mas sayon alang sa mga tawo. Ang proyekto giaprobahan sa SM atol sa panagtagbo tali sa PNP sa Septiyembre 16. Samtang, ang Department of the Interior and Local Government (DILG) niingon nga ang online national police clearance system (NPCS) naa na sa 186 ka police stations.
Gipaabot nga ang online system naa na sa tanang police stations sunod tuig. Pinaagi sa NPCS, ang mga aplikante mamahimong makaparehistro online sa ilang mapilian nga police station. (SunStar Philippines)