SUPERBALITA DAVAO

Dura: Unsa may palabihon sa mayor?

Ratsada

AKONG nasabtan si Davao City Mayor Sara Duterte-Carpio kung unsa ang iyang tumong sa pagpagawas sa Executive Order 53 (EO 53), nga nagmando nga kinahanglan nga tanang pasyente nga gikan sa laing lugar nga patambalan sa mga ospital dinhi sa siyudad sa Davao magpagkita sa negatibong resulta sa Covid-19 reverse transmission-polymerase chain reaction (RT-PCR) test result ug X-ray result nga sila kauban ilang bantay walay sakit nga pneumonia.

Tinguha sa mayor nga mapugngan ang pagkuyanap sa makamatay nga kagaw nga mikuha na sa libuan ka mga kinabuhi sa tibuok kalibutan.

Base sa Executive Order, tanang pasyente nga ipadala ngadto sa mga ospital sa siyudad, way labot ang Southern Philippine Medical Center (SPMC), kinahanglan nga mosumite og RT-PCR test nga gikuha sud sa 24 ngadto 48 oras.

Kini alang sa mga pasyente ug ilang mga bantay nga di residente sa siyudad sa Davao. Ang testing requirement naglakip sa negatibong resulta sa RT-PCR sud sa 48 oras gikan sa pagdawat sa osptial ug X-ray nga negatibo sila sa pneumonia.

Alang sa walk-in nga konsultasyon, tanang ospital sa siyudad gidasig nga mohimo og polisiya nga magkinahanglan og susamang resulta sa mga walk-in nilang pasyente ug kauban niini.

Ang di taga Davao nga ipadala sa ospital kinahanglan nga dunay pasiunang endorsement sa nagpadala nga ospital o doktor sa pasyente ug ilang bantay.

Kinahanglan nga dunay koordinasyon tali sa nagpadala nga ospital o doktor ug sa modawat nga tambalanan o doctor sa ilang pasyente.

Sa mga emerhensiya nga kaso, tanang residente sa Davao City kinahanglan nga ipa-swab test sa paghiabot nila sa ospital.

Ang doktor o hospital, human nila madawat ang pasyente, mosumite gilayon ngadto sa Task Force Davao sa listahan sa mga pasyente ug ilang bantay aron tugotan nga makasulod sa checkpoints.

Dinhi mitiyabaw ang nagpakabanang katawhan, ilabi na si Dr. Jack Estuart, Medical Director sa Brokenshire Hospital gikan 1994 ngadto 2010, pinaagi sa pagsulti nga di na kinahanglan nga magpagawas pa og Executive Order ang siyudad.

"Trust the hospitals that they know what they are doing. The hospitals have the competence and the mechanisms to make policies based on their unique situations and based on current and other regulatory guidelines plus the current evidence," suma pa ni Estuart nga gipatik sa SunStar Davao website.

Lisud kini alang sa mga pasyente gikan sa mga lagyong probinsya sa rehiyon nga ipadala sa mga dagkong ospital dinhi sa siyudad.

Gawas sa dugang galastuhan, hasol pa kini sa pasyente ug ilang bantay, nga posibleng ikamatay sa pasyente tungod sa taas kaayo nga proseso.

Sa mga lagyong probinsya ug rehiyon nga wala masayud sa pamalaod sa siyudad ug wala sab miagi og ospital nga maka-refer nila, di kaha mahikawan sila sa katungod nga mabuhi kung ugaling di sila makasulod sa siyudad?

Dinhi na mosulod ang Utilitarian Theory nga ang pagkuhom sa usa etikal nga aksyon nga nakabase sa kaayohan sa kinabag-ang duot sa katawhan.

Niini, sutaon sa gobyerno kung unsay ilang palabihon; ang pipila lamang nga apektado sa polisiya, o ang kadaghanan nga posibleng matakbuyan sa makamatay nga kagaw. Naa ra sa Mayor kung usa ang iyang pilion?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph