Dear Papa Joe,
Tawga lang ko sa ngalan nga Mr. Responsible, 29 anyos. Minyo ug usa ko ka amahan ug adunay usa ka anak.
Ang akong problema kining akong asawa nga grabe ka yawyawan ug palaaway. Gamay ra kaayo nakong sayop sama sa wala kapanglimpyu, ang iyang yawyaw taga liog. Usa pud sa akong nakit-an nga bati niyang batasan kay manumbag madugay nga yawyaw unya manghagis. Sige man unta ming mosimba ma Dominggo. Ambot maorag wala natuhop sa iyang kasingkasing ang mga sermon.
Kon dili ko magtingog, mosamot siya kasuko. Dili lang ko mosukol kay basin magrabihan unya nako.
Naa mi maayong trabaho ug income kay parehas mi naas gobiyerno nag-work. Tanan nga buhatonon sa balay ilabi na pag-atiman sa bata, laba, ligo, pagpatutoy, basta dili ting duty, akong gibuhat. Apan matingala ko nganong sige kong awayon gamay rang sayop.
Tambagi ko kon unsay angay nakong buhaton?
MR. RESPONSIBLE
Mr.Responsible,
Siguro mas maayo magpa marriage counseling mo. Total may kwarta man mo sad nga ikagasto ana para masalbar inyong relasyon. Pero di sa hugawan nato ang huna-huna. Panahon na siguro nga imong panid-an kon wa ba siya magbinuang kay ang tawo mausab sa way igong rason, kon wa nay gugma.
Usa sad basin gianad nimo na siya mao nga sayonsayonon ka pero love ka niya. Gamita ang imong authority isip bana.
PAPA JOE
(sa inyong tampo ipadala lang sa papajoesuperb@gmail.com)