PARA nako, una mokalawat si Presidential Spokesman Harry Roque sa mga pasangil sa motorcycle dealers, maminaw una siya.
Kini labot sa isyu sa pasangil sa korapsyon nga nalambigit si Land Transportation Office (LTO) 7 Regional Director Vic Caindec.
Di maayo ang gihimo ni Roque kay wala paminawa ang habig sa direktor sa pasangil sa backlog sa rehistro sa mga sakyanan.
Karon migawas ang kamatuoran nga ang motorcycle dealers mao ang nagtanggong sa certificate of registration (CR) ug official receipt (OR) nga wa ihatag ngadto sa mga nakautang og motorsiklo.
Nanikas pa ang motorcycle dealers ngadto sa gobyerno.
Ang ideklarar sa giutang nga motorsiklo nga moabot og sobra sa P100k ang mabayran ug ideklarar lang P50K.
Si Caindec daghang maayong nahimo sa mga opisina sa LTO-7 sama sa paghinlo sa mga kurakot ug nakigkunsabo sa fixers.
Mao kini ang nakapa-it basta nagtarong ug trabaho sa gobiyerno maoy initan.
Ang mga kawatan maoy panalipdan. Maayo mang mosuborno ngadto sa mga dagkong opisyal nga mga buaya.
Isip sakop sa media ug naka-cover sa kalihukan sa LTO si Caindec ang nakapalambo sa maong buhatan sama sa pagbarog sa mga bag-ong opisina. nagbutang og Malasakit lounge ug daghan pa.
Si Caindec maoy labing tarong sa tanang mga nahimong director sa LTO 7, sa ako lang nahibaw-an. Kaniadto ang buhatan sgiyak-an ug estambayanan sa mga klasi klasing grupo sa mga kurakot.
COVID SA CEBU CITY
Di gayud ta mokompyansa bisan pa man og tulo ka kaso sa Covid-19 sa Cebu City niadtong Lunes, Septiyembre 28.
Magpabilin sa modified general community quarantine (MGCQ) ang Cebu City gikan sa October 1 to 31 bisan sa kagamay na lang sa kaso.
Maayo kini ang gihimo ni Cebu City Mayor Edgardo Labella kay wa mokompyansa ug ipatuman ang estriktong polisiya.
Basi sa bag-ong executive order dili na tugtan makasud sa grocery ang mga senior citizens ug ang below 21 years old. efrenlonzon71@gmail.com o text sa 09235562777