SUPERBALITA DAVAO

Naglamutakay atubangan sa bana

Hulagway gikan sa tgp.com.ph

NAHUGNO ang kalibutan sa usa ka bana dihang iyang naaktuhan ang iyang misis nga dunay kahalok nga laing bathala.

Si Jhun (bansagon gitago), 38 anyos, taga Kilometro 14, Panacan, Davao City ang masulob-on nga nagpa-blotter sa Sasa Police Station, niadtong Lunes, Septyembre 28, 2020, batok sa iyang asawa nga si Marie, 25 anyos.

Saysay ni Jhun nga daw nahugno ang iyang kalibutan dihang sa tungod sa ilang balay naghalok ang iyang asawa ug ang kabit niini nga si alyas Eping, 26 anyos.

Una niini, duha na ka semana ang milabay nag-away si Jhun ug ang iyang misis hinungdan nga milayas ang asawa ug wa na kini mouli.

Naguol na si Jhun kung asa na iyang asawa gumikan nag-deactivate kini sa Facebook, apan sa maong takna, inay malipay si Jhun kay naa na sa ilang tugkaran iyang misis, apan pipila ka segundo miabot ang kabit ug sa pinaabtik silang naglamutakay.

Gipakita lamang ang bana, ug dali sab silang nanglakaw human sa halok nga walay daghang istorya, hinungdan nga igo na lang sa pagpa-blotter si Jhun sa maong hitabo.

Gimandoan si Jhun sa kapulisan nga ipatawag ang iyang asawa ug kabit niini sa barangay aron didto sila husayon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph