USA na sab ka professional surfer ug modelo nga si American Alana Blanchard ang nahiluna sa ika-44 nga dapit sa Top 50 Sexiest Female Athletes of All-Time sa www.lineups.com.
Isip usa ka surfer, si Blanchard kauban ang iyang amahan nakasaksi dihang ang ilang higalang si Bethany Hamilton, usa sab ka surfer, nabiktima sa shark attack atol sa ilang pag-surfing.
Nakita ni Blanchard ug sa iyang amahan kon giunsa pagpaak sa iho ang wala nga kamot ni Hamilton hangtod nga naputol kini.
Taliwala ning maong kasinatian, gipadayon ni Blanchard ang iyang karera sa surfing hangtod nga nakahakot siya og daghang mga titulo sa nagkadaiyang mga nasod sa kalibutan.
Lakip sa mayorihiyang mga titulo nga nakuha ni Blanchard mao ang Women’s Pipeline Championships sa Hawaii ug Rip Curl Girls Festival Junior Pro sa Spain. (ESL)