KINAHANGLANG adunay mga tumatan-aw sulod sa venue sa higayon nga mobalik na og away ang bugtong 8-division world boxing champion Manny Pacquiao.
Mao kini ang gipabuhagay ni Sean Gibbons, presidente sa MP Promotions nga gipanag-iya sa fighting senator sa Pilipinas.
Bisan kinsa pa’y kontra, ang gitawag og Pambansang Kamao ng Pilipinas kinahanglang premyohan og dako ug kon wala’y mga tumatan-aw, maglisod ang promoter sa pagkuha og dagkong sponsors, asoy ni Gibbons.
“Logic would tell you that with the kind of money the senator is going to command for any fight he takes, there would have to be some fans in the stands,” asoy ni Gibbons sa interbyu sa Yahoo Sports.
“It’s the same with [Deontay] Wilder and [Tyson] Fury and Anthony Joshua. You need crowds to generate the kind of money it takes to put on an event like that.”
Ubay-ubay nga mga pangalan ang potensyal nga sunod makontra ni Pacquiao apan ang labing gihisgutan sa kasamtangan mao si mixed martial arts (MMA) superstar Conor McGregor.
Si McGregor nipabuhagay nga nagkauyon na sila ni Pacquiao nga magtagbo ibabaw sa ring ug gikompirmar sab kini sa kampo sa Pambansang Kamao ng Pilipinas.
Hinuon dili pa pinal ang tanan kabahinsa panagharong nila ni Pacquiao ug McGregor.
Laing posible nga makontra ni Pacquiao mao sila si Errol Spence Jr. ug Mikey Garcia nga pulos dekalidad.
Si Pacquiao, 42, katapusang miaway niadto pang Hulyo, 2019. (ESL)