Pingris di moapil sa PBA bubble

GIBUTYAG sa beteranong forward sa Magnolia Ang Pambansang Manok Hotshots nga si Marc Pingris nga dili siya moduwa sa Philippine Basketball Association (PBA) bubble nga sugdan karong Oktubre 11, 2020 sa Clark, Pampanga.

“Good luck guys! Sorry di makakasama kuya n’yo ngayon. Babawi ako next time promise ‘yan!” tweet ni Pingris.

Wala gibutyag ni Pingris kon unsa’y rason nga nakadesisyon siya niini.

Si Pingris, 38, maoy ikaduhang sinaligan sa Hotshots nga dili moduwa sa bubble sunod ni PJ Simon, kinsa nakadesisyon nga moretiro na lang gumikan sa mga kahasol nga hatod sa coronavirus disease 2019 (Covid-19).

Sa laing bahin, ang kasamtangang 5-time MVP nga si San Miguel Beermen center JuneMar Fajardo nagpadangat sab og maayong panghinaot sa iyang mga kauban nga mokombati sa bubble.

Ang produkto sa University of Cebu (UC) Webmasters padayon pang nagpaalim sa angol sa iyang tiil nga iyang nasinati niadtong Pebrero ning tuiga.

“Good luck guys sa Bubble! Di man ako makakasama sa inyo physically, pero in spirit andon ako,” mensahe ni Fajardo Instagram.

“Sana walang ma-injury sa inyong lahat at no health issues sana di lang sa San Miguel Beermen kundi pati na rin sa ibang teams at PBA officials at sa lahat ng mga taong kasama sa loob ng bubble.”

Gawas nila ni Pingris ug Fajardo, asoy ni commissioner Willie Marcial nga dili sab moduwa sa bubble ang laing beterano nga si Larry Fonacier.

Nangabot na’g sugod ang teams sa Clark niadtong Septiyembre 28, 2020. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph