Dispatser nga ‘pusher’ sikop sa buy-bust

■ TAGA TALI­SAY: Si Ramon Sayson Villamor, 44, tagaZone 6, Sitio Narra, Barangay Dumlog, Talisay City, nasikop sa buy-bust sa Subangdaku Police Station sa Martes sa udto, Septiyembre 29, 2020 sa Barangay Tisa, Siyudad sa Sugbo. Si Villamor nakuhaan og 90 gramos nga shabu nga balor og P612,000. Nangu sa operation si Police Captain Marvin Fegarido.(Subangdaku Police station)
■ TAGA TALI­SAY: Si Ramon Sayson Villamor, 44, tagaZone 6, Sitio Narra, Barangay Dumlog, Talisay City, nasikop sa buy-bust sa Subangdaku Police Station sa Martes sa udto, Septiyembre 29, 2020 sa Barangay Tisa, Siyudad sa Sugbo. Si Villamor nakuhaan og 90 gramos nga shabu nga balor og P612,000. Nangu sa operation si Police Captain Marvin Fegarido.(Subangdaku Police station)

DISPATSER nga giingong bigtime pusher nasikop sa buy bust sa kapulisan, nakuhaag binultong drugas sa Lunes sa alas 9:30 sa gabii, Septiyembre 28, 2020 sa may Spolarium street, Barangay Duljo Fatima, dakbayan sa Sugbo.

Ang suspek giilang si Edward “Biyong” Villafuerte, 48, taga Sitio Nava, Alaska, Barangay Mambaling, dakbayan sa Sugbo.

Si Major Randy Caballes, chief sa City Intelligence Unit (CIU) sa Cebu City Police Office (CCPO) maoy nangulo sa buy-bust human sa kapin usa ka semana nga pagmonitor kang Villafuerte.

Nakuhaan si Villafuerte og 35 gramos sa gituohang shabu nga mobalor og P238,000 base sa Dangerous Drugs Board (DDB) value.

Matod ni Caballes nga si Villafuerte nagsugod sa illegal nga kalihukan niadtong 2015 isip dispatser sa dan Colon ning dakbayan.

Ang iyang mga kustomer mga prostitute hangtod nga midako kay dunay kontak sa sulod sa Cebu City Jail sugod niadtong Agusto ning tuiga.

Samtang laing tulo nadakpan sa laing buy-bust sa Sawang Calero Police Station pasado alas 10 sa gabii sa dan Tres de Abril sa Barangay Pahina San Nicolas, Siyudad sa Sugbo.

Si Police Major Eduard Sanchez, hepe sa Sawang Calero Police, niila sa usa sa mga dinakpan nga si Christopher Cabaron, 25, usa ka E-bike drayber taga Barangay Suba, Siyudad sa Sugbo.

Nakuhaan usab si Cabaron og usa ka gituohang .22 caliber revolver nga armas nga dunay tulo ka mga bala.

Samtang laing duha pa ang nadakpan nga sila si Manuelito Lubdose, 24, ug Bryan Mahinay, 33, giingong nipalit kang Cabaron og drugas.

Nasakmitan si Cabaron og mga pakete sa drugas ug usa ka bulto nga mobalor og kapin sa P36,000.

Ang tulo gipriso sa selda sa Sawang Calero Police Station samtang giandam ang kaso batok kanila.

LILOAN

Pagka alas 12:30 sa kaadlawon, tulo ka mga tawo ang nadakpan sa mga sakop sa Cebu Provincial Intelligence Unit atol sa anti illegal drug operation nga tipik sa synchronized anti-criminality and law enforcement operation sa probinsya sa Sugbo sa Purok Rose, Sitio San Antonio, Barangay Jubay, lungsod sa Liloan.

Ilang nadakpan ang target sa operation nga si Antonio Rico Completado, 41, lumad nga taga Tigbawan, lungsod sa Tabuelan.

Nasikop ang iyang mga kauban nga silang Aljid Frasco, taga sitio Green Hills, Barangay Poblacion, Liloan ug Christian Padro Villarosa, 18, nagpuyo ra usab sa maong lugar.

Nakuha sa mga dinakpan ang mga pinutos sa ginadiling drugas nga mobalor tanan og kapin sa P122,400. (GPL, AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph