By: JOJO A. LAWAS
Sabang, Danao City, Cebu
MIHABOL og hinayhinay ang kangitngit,
apan adunay gamay nga kahayag
nga midan-ag sa kapunawpunawan.
Ang gihay nga midan-ag sama kasanag
sa imohang talagsaong kaanyag.
Nagpabilin pa sa akong panumduman
ang imong talidhay ug ang kahumot
sa imong alimyon nasingo ko sa huyuhoy.
Samtang galantaw ko sa halayong unahan
kalit kong nabatyagan ang kamingaw
ug igo na lang ako sa paghanduraw.
Ang kamingaw daw mga balod nga midapya
sa tibuok kong galamhan ug nasinati na pod
ning dughan ang kasakit sa kasub-anan.
Apan paabuton ko ang imong pagbalik
Ning lapyahan sa tam-is nga handumanan.