Tambagi ko Noy Kulas: Magsuon sila

Dear Noy Kulas,

Good day ninyong tanan. Tawga lang ko og Jane, 23 years old ug nagtrabaho na. Karon wa ko mag lovelife kay gikan pa ko sa break-up namo sa akong boyfriend. Sakitan pa ko nga maghuna-huna sa nasayang namo nga relationship.

Karon nga nag pandemic ug nag work from ko for few months, akong naila-ila ang among silingan nga na stranded diri kay taga Manila man siya or taga diri siya but didto na siya sa Manila dako. Maguwang siya nako og two years.

Gwapo, buotan ug respectful kaayo but funny ikakuyog. Ganahan kaayo ko niya. Until nagkasuod mi og maayo. Karon nga nabalik na siya sa Manila, continue ang among communication thru text, call, chat, video chat. Basta hapit mi kada adlaw. But na shock ko one day sa gisulti sa akong usa ka auntie. Sekreto kaayo siya nisulti nako nga ang akong friend akong half brother. Ang akong papa ang iyang amahan. Mao to nga nibalhin og puyo ang iyang mother sa Manila aron paglikay sa scandal ug gubot.

Ni-ask ko sa akong BF kon kinsa ang iyang papa. Wa kuno siya makahibawo kay di gusto mo-discuss ang iyang mama unya masuko kon pangutan-on.

Unsa man ang akong buhaton, sultihan kaha nako siya sa akong nahibaw-an? Di kaha hinuon magubot? Ako pangutan-on og sekreto ang akong papa? Please magpatambag ko nimo kay naglibog na ko.

JANE

Jane,


Lisod baya kaayo nga wiwion og balik ang samad nga naalim na. Imagine, duha ka mga dekada kapin nga naa ang sekreto nagpabilin nga sekreto aron way tawo nga masakitan. Nakahibawo ko nga bisan ikaw na offended sa imong nahibaw-an, but alang nako, mas maayong magpabilin ang status quo aron wa nay lain pang masakitan ug madamay. Ayaw lang sab siya sultihi. Let her mother mosulti kon kinsa.

Aron mas malikayan ang kagubot, anam anama lang og palayo sa iyaha aron di mahug og maayo ang imong pagbati kay basin pa tuod, tinuod ang gisulti sa imong auntie. Basin tinuod gyud kay lisod baya magtumo-tumo kon kanang butanga. But one day, if ang sitwasyon maayo, pangutan-a ang imong amahan kon unsa kini ka tinuod. Basin, mosulti siya sa tinuod diha nimo.

NOY KULAS

rojval69@yahoo.com ug kulassuper@sunstar.com.ph

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph