SUPERBALITA CEBU

P8.8M nga ayuda sa Kapitolyo

MOABOT P8.8 milyones nga pinansyal nga ayuda ang giapud-apod sa kagamhanan sa lalawigan sa Sugbo kalungsoran sa 7th district.

Mao kini ang usa sa mga hinungdan sa pagbiyahe sa mga Provincial Board (PB) members ug ni Gobernador Gwendolyn Garcia sa Septiyembre 28, 2020.

Ang P8, 831,000 nga ayuda giaprubahan sa PB alang sa socio-cultural activities ug bonus projects sa mga barangay sa lungsod sa Alcantara, Alegria, Badian, Dumanjug, Ginatilan, Malabuyoc, Moalboal ug Ronda.

Naglakip sa mga barangay nga nakadawat sa pagpaayo sa mga footbridge, pagpalit ug mga furniture ug paggahin alang sa socio-cultural activities mao ang barangay Lawaan, Manga, Palanas, Poblacion, ug Polo sa Alcantara; Compostela, Legaspi, Guadalupe, ug Poblacion sa Alegria;

Poblacion, Sanlagan, Santicon, Sulsogan, Taytay, Tubod, Zaragosa, Dubdub, Ginablan, Malabago, Patong, Alawihao, Basiao, Bugas, Calangcang, og Candiis sa Badian; Masa, Paculob, Balaygtiki, Tubod-Dugoan, Duldol, Kabatbatan, Kang-aktol, Lamak, Liong, Matalao, Tapon, Cogon, Bitoon, Calaboon, Camboang, ug Poblacion Looc sa Dumanjug;

Cagsing, Calabawan, Campisong, Palanas, San Roque, Cambagte, Guiwanon, og Malatbo sa Ginatilan; Looc, Cerdeña, Salmeron, Montañeza, Poblacion Uno, Mahanlud, Sto.Nino, Armenia, Lumbo, Poblacion Dos, ug Labrador sa Malabuyoc.

Busay, Lanao, Poblacion East ug West, Tuble, Tunga, Agbalanga, Bala, Batadbatad, Bugho, Balabagon og Buguil sa Moalboal; ug Cansayahon, Ilaya, Malalay, Poblacion, og Vive sa Ronda.

Gawas sa maong ayuda, mipahibaw usab si Garcia sa mga barangay kapitan nga gi-download na sa Kapitolyo ang moabot P100,000 nga pundo diin P50,000 niini alang sa pag-develop og nursery sa mga utanon samtang ang nahabilin nga P50,000 sa pagpahigayon og purok ug barangay competition sa enhanced ug expanded nga bersyon sa “Sugbusog (Sugbuanong Busog, luwas ug himsog).”

Ang Sugbusog nga programa sa Kapitolyo, naumol panahon sa lockdown sa Probinsya diin gi-hatagab og libre nga mga liso ang mga kalungsoran aron itanom sa mga tugkaran niini.

Paagi nga may ani nga makaon ang mga Sugbuanon sa lalawigan panahon nga limitado ang paggawas sa mga tawo sa pagpatuman sa community quarantine. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph