SUPERBALITA CEBU

Sugbo Negusyo gilusad sa Kapitolyo

TUMONG paghatag og paglaom sa mga Sugboanon, ang kagamhanan sa lalawigan nilusad sa Sugbo Negosyo kagahapon, Septiyembre 30.

Sa Septiyembre 8, unang gipahibalo ang pagdawat og mga aplikante sa mga micro, small ug medium enterprise (MSME) nga na apektohan sa krisis sa coronavirus disease 2019 (Covid-19) pandemic, apan tungod sa dugang pagtuon, giirog sa katapusan nga adlaw sa Septiyembre.

Ang Sugbo Negosyo nga programa sa Kapitolyo naumol alang sa pag tabang sa mga Sugboanon nga nawad-an og trabaho abroad, mga negosyante nga na lugi o ba kaha mga residente nga nalakip sa low income group nga makasugod og kaugalingon nga pangita.

Nakigtambayayong ang Kapitolyo pinangulohan ni Cebu Governor Gwendolyn Garcia tali sa Department of Trade and Industry (DTI) pinaagi ni Assistant Director Asteria Caberte, Mandaue Chamber of Commerce and Industry (MCCI), Steven Yu ug Stanley Go ug uban pa nga mga concerned agencies.

Ang programa gahinan og P15 milyones gikan sa opisina ni Bise Gobernador Hilario Davide III ug P85 milyones nga gikan sa 17 ka Provincial Board members.

Sa maong kantidad, gipanglantawan nga makapahimos niini ang mga benepisyaryo nga mag gikan usab sa pito ka mga distrito sa probinsya.

May tulo ka mga kategoriya sa maong assistance nga naglangkob sa Negosyong Padayon nga makadawat og moabot P50,000 nga kantidad sa goods, ekipo ug raw materials; Produktong Sugboanon nga mokabat sa P20,000 nga ayuda; ug mga Serbisyo ug Ginagmayng Patigayon nga makadawat og ayuda nga magkantidad og P10,000 nga supply.

Aron kalikayan ang pagwaldas sa kuwarta nga madawat, coupons inay cash ang ipang-apud-apod sa mga mo-qualify nga benepisyaryo.

Gamiton niini ang mga coupons alang sa pagpalit og mga itinda isip puhunan niini.

Gipahibaw sa Kapitolyo nga gikinahanglan nga ang ibaligya nga produkto nga locally produced products. Mga talagsaon nga produkto nga sa Sugbo lang ma palit o matilawan.

Aron mahimong sayon ang pagpadagan sa negosyo motabang usab ang DTI 7 sa mga benepisyaryo sa pagproseso sa business registration, barangay micro-business enterprise registration, ug ang pagkuha og mayor’s permit.

Mopahigayon usab ang MCCI kauban ang DTI ug nagkalainlain nga business trainings, seminars ug workshops sa mga benepisyaryo.

Alang sa buot nga mo-apply sa maong programa, bukas kini alang sa mga lehitimong taga-probinsya sa Sugbo nga nag edad og 18 pa-taas.

Gihatagan og prayoridad ang low income groups ug displaced workers nga anaa sa listahan sa Social Welfare Development Office ug overseas Filipino workers (OFW) nga wa na makabalik aborad.

Bukas sugod Oktubre 1 hangtod sa Oktubre 31, 2020 ang pagdawat sa mga aplikante. Ang porma mahimo ma-download sa official page niini.

Atol sa launching, milagda usab og tripartite memorandum of agreement (MOA) ang giisip nga partners sa Probinsya alang sa maong programa. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph