USA ka bantugang tennis player sa Denmark nga si Caroline Wozniacki ang nahiluna sa ika-43 nga dapit sa Top 50 Sexiest Female Athletes of All-Time sa www.lineups.com.
Si Wozniancki natawo sa Poland niadtong Hulyo 11, 1990 apan ning-migrate ang iyang pamilya sa Denmark diin nabaid og insakto ang iyang abilidad sa tennis.
Nahimo siyang world no.1 sa singles event niadtong 2010 ug 2011 diin ning panahuna, nakadaog siya og unom ka WTA singles titles.
Sa kinatibuk-an, nakahipos na siya og 30 ka WTA singles titles.
Niadtong 2017, mikampiyon siya sa season-ending WTA Finals sa Singapore sa labing unang higayon.
Sa 2018, naangkon ni Wozniacki ang labing una niyang Grand Slam title sa Australian Open ug nahiluna siya’g balik sa No.1 status.
Alang sa mga eksperto, ang naghatod kang Wozniacki sa kalampusan mao ang grabe niyang footwork. (ESL)