Dear Papa Joe,
Tawaga lang ko sa pangan nga Berto, 27 years old ug usa ka professional na.
Sa akong edad, nangita na ko og akong forever pero naa unta, pero murag wala. Naa koy ka M.U or unsa ba kay amigo ra man gyud kuno iyang tan-aw nako pero with benefits.
Di man ako ang nakauna niya pero ako ra sad ang ikaduha gyud niya sukad nagbuwag sila sa iyang boyfriend two years ago. Tanan nga buluhaton sa uyab among gisaw an nga maora gyud mi og uyab. O bana o asawa pa gani pero siya niingon na mao ra ni mahatag niya nako.
Akong pangutana, angay ba ko nga mopadayon ani o basin maalkansi lang ko? Palihug tambagi ko.
BERTO
Berto,
Naa ra gyud na nimo tanan kon mopadayon ba ka o dili kay nagmalipayon man ka uban niya sa pagkakaron. Basin di pa nimo kaya ug mobiya ka niya. Basin naa pa siyay laing plano ngano no strings sa mo.
Pwede gadahom pa siyang magbalik sa iyang kanhi o di lang sa siya mag commitment para di sakit ug di mo magkasinabot. Pero kon di na nimo kaya, aw undang. Basin anha pa niya makita imong importansya kon sa higayon nga mobiya ka niya.
PAPA JOE
(sa inyong tampo ipadangat lang sa papajoesuperb@gmail.com)