ANG lungsod sa Sibonga sa Arkdyosis sa Sugbo sa habagatan sa lalawigan maoy bugtong parokya ubos sa Arkdyosis sa Sugbo nga nagdala sa patron nga Our Lady of the Pillar, diin ang iyang piyesta matag Oktubre 12 sa tuig.
Ang mga debotong Katoliko sa Sibonga mosaulog sa kapistahan sa Birhen pinaagi sa mga misa sa naasoy nga adlaw ug paghalad og mga pag-ampo.
Apan, ang maong kapistahan naobserbahan nga dili kaayo alegre ug nalabwan kini kon itande sa kapistahan sa ikaduang patron sa lungsod nga si St. Philomena, diin saulogon uban sa grandiyuso nga karosa ug puno sa daghang kalihokan matag gabii samtang nag-angat ang kapistahan matag Agusto 10.
Ang pagpahigayon og duha ka kapistahan sa usa ka parokya matag tuig dili komon sa tradisyon.
Ang kapistahan sa Our Lady of Pillar sama sa nagbutang niini sa mas ubos nga puwesto bisan kini ang nagdala sa ngalan sa parokya.
Mao kini ang obserbasyson ni Rev. Fr. Agustin Abella, kura paruko sa Nuestra Señora del Pilar sa Sibonga.
“I’ve always wondered why Our Lady of Pillar is less celebrated here in Sibonga when she is the primary patroness of the town,” matod ni Abella.
Usa ka tradisyon nga napasa sa daghang henerasyon, ang mas alegre nga kapistahan alang kang Saint Philomena nga nakapalibog sa mga manunuwat ug mga tigpaniid sa kasaysayan sa simbahan.
Nganong nahitabo kini?
Usa ka mamaligaay og kandila sa gawas sa simbahan nipaambit sa istorya sa iyang katiguwangan nga mas ilang nasinati ang “milagro” ni St. Philomena.
Usa ka istorya nga napasapasa sa dugay nang katuiga nagkanayon nga si St. Philomena “nitunga” uban sa manimbahay sa tungatunga sa usa ka misa sa simbahan sa Sibonga.
Apan walay igong mabasihan nga dokumento sa simbahan bahin sa maong pangangkon ug wala na-validate sa mga manunulat sa kasaysayan.
Sumala sa libro nga “The History of Sibonga,” gisuwat ni Dr. Noel Ponce, ang lungsod nakaplagan niadtong 1830 ubos sa abokasiya sa Nuestra Señora del Pilar.
Ang mid-19th century, isip ikaduhang patron, St. Philomena gipaila sa kanhi incumbent bishop, Romualdo Jimeno.
“As per our research, the feast of Señora del Pilar on Oct 12 was the town’s main fiesta up until the last years of the 19th century. By the early years of the 20th century, the town fiesta has shifted to August 10 in honor of St. Philomena. It is the biggest confusion to us. We were not sure how the shift came to be. We interviewed old folks disclosing that St. Philomena is actually the patron saint of the Poblacion,” paambit ni Ponce.
Dunay laing istorya ang mitumaw sa dagan sa panahon, apan si Fr. Abella nagtuo nga ang katawhan mas mohatag og mas gibug-aton sa kapitahan sa Our Lady of Pillar.
Sa pagsilbi sa makanunayong pagpahinumdom sa katawhan bahn sa parton, usa ka replica sculpture sa Our Lady of Pilla ang gitukod gawas sa kombento.
“This will serve to remind the townspeople that the Our Lady of Pillar is Sibonga’s primary patroness,” duhang ni Abella.
Dunay leaflets sa mass schedules uban sa pahibalo bahin sa patron ang gipang-apud-apod samtang nagkaduol ang iyang kapistahan.
Si Fr. Abella uban sa iyang assistant parish priest Fr. Sherwyll Mingo, ug ang Parish Pastoral Council (PPC) naglatid og mga kalihokan samtang nag-angat ang kapistahan.
Tungod sa Covid-19 pandemic, si Abella nagkanayon nga mosunod sila sa protocol sama sa in-person ug online novena masses sa adlaw sa kapistahan sa Our Lady of Pillar.
Sa besperas sa kapistahan, dunay mobile procession sa mga inahen sa Our Lady of the Pillar ug St. James the Great. Sumala sa balaang kasaysayan, si Birhan Maria nagpakita kang St. James igikan sa usa ka pillar o haligi.
Sa iyang pagpakita, ang balaang Birhen Maria nsulti kang James nga dili mosibog ug mopadayon sa iyang misyon sa pagsangyaw.
Usa ka Pontifical Mass sa adlaw sa pista sa Oktubre 12 ug si Cebu Auxiliary Bishop Midyphil Billones maoy main celebrant. (PR)