NAHILUNA sa ika-42 nga dapit sa Top 50 Sexiest Female Athletes of All-Time sa www.lineups.com mao si Lousia Necib, usa ka bantugang football player sa France.
Gipasabot ni Necib nga sa dihang bata pa siya, gikahiligan na niyang makigduwa sa mga lalaki og football sa ilang komunidad.
Niadtong higayuna, nagtuo si Necib nga ang duwang football alang lang sa mga lalaki apan bisan pa niini, nahigugma gihapon siya ning maong natad sa paugnat sa kusog.
Dihang nasayod siya nga aduna diay kompetisyon sa football alang sa mga babaye, nagpursige siya nga makaapil hangtod nahimo siyang sakop sa national team.
Nakarepresentar na siya sa iyang nasod sa nagkadaiyang mahoriyihang mga kompetisyon sama sa 2005 ug 2009 editions sa UEFA Women’s Euro, 2011 ug 2015 FIFA Women’s World Cup ug 2012 Summer Olympics.(ESL)