MANILA - Si Susan Fuentes ang giilang Queen of Visayan songs kay dili lalim ang mga Visayan songs nga iyang na-record. Dili lang naman sa Bisaya ilado si Susan kundi pati dire sa kaulohan kay may mga English ug Tagalog songs sad siya.
Misikat ang iyang “Miss Kita Kung Christmas”, usa ka hugot Christmas song nga gihimoan og cover sa ubang pangsikat nga singers like APO, Rico J. Puno, Manilyn Reynes, Sarah Geronimo ug Ronnie Liang.
Sayang tungod kay mibiya na sa kalibutan si Miss Susan Fuentes kaniadto pang September 7, 2013 sa edad nga 58 sa National Kidney and Transplant Institute after her long confinement sa sakit nga colon cancer.
Six months bago siya namatay, na-feature pa sa “Magpakailanman” ang istorya sa iyang kinabuhi Susan Toyogon ang iyang real name pero Susan Fuentes ang iyang gigamit nga screen name kay that time, uso ang rivalry nila ni Susan Roces ug Amalia Fuentes.
Sa nahisgutang drama anthology, gi-wish ni Susan nga unta hatagan pa siya sa Diyos og 10 years pa (2013 that time so dapat 2023 pa unta kon gitugutan siya sa Ginuo) kay gusto pa niyang makita ug mahalog ang iyang mga anak.
Pero tuig 2010 pa, nihunong na si Susan sa pag-awit gumikan lagi sa iyang sakit nga medyo dugay-dugay jud siyang nag-antos.
Yun na nga, sayang tungod kay wa na ma-witness ni Susan ang iyang kanta nga viral na viral karon sa Tiktok, ang “Mga Kinaham Ni Lolo” medley kini sa mga karaang kantang Binisaya pero ang kanta nga misikat mao ang “Malipadyong Takna,” in Bol-anon nga may lyrics nga: ”Dili kini... aho, dyaga-dyga, dyawaa.”
Daghan na ang nigamit sa maong kanta (including me, ako pa ba magpa-iwit) diin aduna akoy Tiktok version pero mas gusto ko yung lipsync ko sa tibuok medley, nga makita karon sa akong FB Page nga Dear Tito Timmy, ang (Susan Fuentes Medly Dubbed ).
Makita sa hulagway nga kauban ni Susan si Dulce nga maoy hingtungdan para maka-raise of funds para sa pagpa-hospital kang Susan kaniadto.
Way makitang rivalry sa kanila duha bisan og pareho silang Visayan singer.
Pero kaniadtong nanghingusog pa ang singing career ni Susan, wala ako’y nakita nga nag-collab silang duha ni Dulce, ang nakita ko mao ang collab nila ni Susan and Pilita Corrales para sa album nga “Yukbo Sa Bisayang Awit.”
Sa tinuod lang, dako ang tabang sa Tiktok para mabuhi ang mga kantang dugay nang gikalimtan, lakip na ang mga kanta ni Yoyoy Villame og Max Surban, na-ressurect sa Tiktok og mga bagets ang nagpe-perform.