SUBLING nagpaguwa og advisory guidelines number 22 ang amahan Digos City alang sa implementasyon sa mga bag-ong polisiya sa City Inter-agency Task Force on Covid-19.
Sa gilagdaang mando ni Mayor Josef Cagas gideklara nga “no movement” ang petsa 4 ug 11 ning buwan sa Oktubre, nga adlaw’ng Dominggo.
Giklaro sa mando nga wa’y sirado ang mga malls ug merkado publiko ug wa’y byahe ang mga pampublikong sakyanan apil ang mga trisikel sa dakbayan.
Magsugod sab sa alas 8 sa gabii hangtud alas 5 sa sayong kabuntagon ang bag-ong curfew hours nga epektibo gikan Oktubre 2 hangtud Oktubre 16.
Nabalaka ang lokal nga gobyerno human gidudahan nga aduna na’y local transmission ang dakbayan human misaka na sa 90 ang kumpirmadong kaso sa Covid-19 niadtong Biyernes.
Gitataw sab ni Cagas nga gikinahanglang ipatuman sa tanang establishemento ug mga opisina ang “no entry policy” sa mga di mosul-ob sa face mask, face shields, wa’y quarantine pass ug kung wa’y pagahimoong transaksyon.
Sa uwahing abiso sa City Health Office, tulo sa 90 ka bag-ong kaso ang nadugang.