YawYan gym moabli na’g balik inig Oct. 8

Octagon sa Yaw-Yan gym
Octagon sa Yaw-Yan gym

MOABLI na’g balik ang Yaw-Yan Ardigma gym nga nahimutang sa fourth floor sa Coast Pacific Downtown Center sa dalan Sanciangko, dakbayan sa Sugbo karong Oktubrte 8, 2020 human sa pito ka mga buwan nga pagkahunong sa operasyon niini tungod sa hulga sa coronavirus disease 2019 (Covid-19).

Hugot nga tumanon sa maong gym ang estriktong minimum health protocols nga mao ang gimando sa Department of Health, Games and Amusement Board (GAB) ug sa Inter-Agency Task Force for the Management of Emerging Infectious Diseases.

Apil sa protocols mao ang sanitation sulod sa gym, temperature check sa mga tawo nga mosulod sa gym ug contact tracing list.

Giawhag ni Yaw-Yaw Ardigma Master Benigno “Ekin” Caniga ang mga estudyante ug mga mahiligon martial arts ug paugnat sa kusog nga mosuway sa Yaw-Yan nga usa ka lumad nga Filipino martial arts.

“Grateful ko nga nakabalik na abli ang contact sports gym nga MGQC gihapon ta karon, gi-invite nako ang mga mahiligon sa mixed martial arts, muaythai, kickboxing sports, fitness to join us again in training,” matod ni Caniga sa interbiyu sa Superbalita Cebu.

Si Caniga miingon nga nakadawat sila og advisory gikan sa GAB nga nagtugot kanila sa pag-abli og balik sa ilang gym.

Ang dakbayan sa Sugbo gipaubos karon sa general modified community quarantine (MGCQ), ang labing ubos nga quarantine restriction sa Pilipinas. Dugang ni Caniga nga mahinungdanon ang kahimsog hilabi na ning panahon sa pandemya.

Ingon ni Caniga nga makat-on ang ilang mga estudyante og self discipline ug self confidence kon magkat-on og martial arts.

Kon mawala na gani ang pandemya, plano ni Caniga nga mag-organisar dayon og promosyon sa MMA, MuayThai ug kickboxing.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph