Basil: Edu modala sa papel nga Gen. Magalong

MANILA – Finally, nagsugod na og galing ang mga kamera sukad niadtong Sabado, Oktubre 3, ang pelikula nga “Mamasapano” og sa kasamtangan gikuhaan ang mga eksena ni Edu Manzano sa iyang papel nga Heneral Benjamin Magalong.

Sa San Fernando, Pampanga (court scene) ang mga eksena.

Kahinumduman nga si Gen. Magalong ang mingkugi kaniadto sa imbestigasyon sa SAF 44 nga nagbuhis sa mga kinabuhi sa mga batang miyembro sa Mamasapano.

Lima ka tuig na ang minglabay sa maong panghitabo apan para sa mga hingtungdan, hangtud karon presko pa sa ilang panumduman ang samad nga mibulit sa ilang tagsa-tagsa ka kasing-kasing gumikan sa kamatayon sa ilang mga anak, igsuon ug bana.

ALL STAR

First venture kini sa Boracho Films nga gipanag-iya sa kontrobersiyal nga abogadong si Atty. Ferdinand Topacio.

Aside from Edu Manzano, kauban sad sa nahisgutang pelikula si Gerald Santos, diin siya ang midala sa role sa usa ka SAF nga nabuhi, Myrtle Sarrosa, Claudine Barretto, JC de Vera, Aljur Abrenica og uban pa.

Apil sad sa cast ang inyong Dear Tito Timmy nga ang role, usa ka hard news reporter.

Iampo ninyo ako nga dili motantong huyang ang akong tingog og basin lang nga dili mopilantik ang akong mga kamot ug kinahanglang behave ang kilay, kinahanglan di puwedeng motaas, hahahaha.

SWAB TEST

Pero ayaw niyo ako og isnaba tungod kay bisan og gamay lang ang akong role, join ang beauty ko sa mga artistang gi-swab test.

Dili sakit ang Swab pero ngilo kaayo nga feeling mo, moabot na sa utok ang gituslok nga parang cotton buds sa akong ilong.

Any moment, aalis na kami for San Fernando, Pampanga kay first day pa lang, apil na ako. Giuna lang ang mga eksena sa mga bida.

Sa laing bahin, excited na si Edu Manzano nga mo-portray sa kinabuhi ni Gen. Magalong.

Nasundan ni Edu ang track record ni Magalong ug nibilib siya sa katakos og prinsipyo niini hangtud sa nag-retire siya sa serbisyo ug misud sa politika diin siya karon ang mayor sa Baguio City.

Goodluck na lang sa acting ko unya. Dong Anton Camilo, i-Pit Senyor mo ako pareho sa gihimo nimo kang Berta, hahahaha.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph